Југохром не работи, Тетово загадено, работниците на протест

Добивај вести на Viber

Фабриката Југохром е привремено затворена поради наредбата да бидат поставени филтри но, и во овој период мерењата покажуваат дека воздухот во Тетово и околината и натаму високо загаден. Токму затоа синдикалното раководство на Југохром најави одржување на нови протести бидејќи се наоѓаат во очајна финансиска состојба и нивната егзистенција е загрозена со намалените приходи што не земаат цела плата.

Претходно, Бајрам Амити, синдикалниот лидер на Југохром, во интервју за Фактор посочи дека постои можност фабриката да работи и истовремено да бидат поставени заштитните филтри за отпрашување што ќе ги исполни барањата на Министерството за животна средина. 

Исто така потенцираше дека не е направена прецизна анализа кој е главен виновник за загадувањето во тетовскиот регион, но дека фабриката нема значајно влијание како што се прават обиди тоа да се претстави.

Синдикатот на индустријата, енергетиката и рударството бара од надлежните органи да ја повлечат мерката забрана за работа на „Југохром“. За четврток најавуваат протест пред Министерството за животна средина. Образложуваат дека и во услови кога компанијата не работи мерните станици во Тетово бележат висока концентрација на штетни честички во воздухот.