Добивај вести на Viber
Македонија е далеку од договор со Русија за мегагасоводниот проект Јужен Поток, Речиси е невозможно без прес конференција на која би се појавиле во најмала рака министерот за финансии, Зоран Ставрески да се соопшти веста дека Македонија станала дел од проектот Јужен поток. Веста која ја лиферуваа медиумите блиски до власта дека Македонија го доби кракот од „Јужен поток“, е само делумно точна. А што вусшност договориле владите на Русија и Македонија?
Русија и Македонија како што стои во официјалното соопштение од руската Влада потпишале само спогодба за соработка, што пак е далеку од договор кој би значел дека земјава станала дел од Јужен поток.
„Откако ќе се потврди исплатливоста на проектот, двете фирми „Газпром“ и „Македонски енергетски ресурси“ ќе формираат заедничка компанија за проектот гасоводен крак, со идентично учество од двете страни (50%-50%) со можност да се приклучат и други акционери“, се наведува во документот кој е објавен од страна на владата на Русија.
Ако има договорено крак, од каде ќе доаѓа гасот - зошто маршрутата допрва ќе се утврдува?
Маршутата на гасоводот и неговиот капацитет ќе бидат дополнително усогласени. Имено, во точката 4 од документот кој е објавен од руската влада стои дека патот на гасоводот, вклучувајќи ги и нејзината географска точка за влез на територијата на Република Македонија, ќе зависи од резултатите од физибилити анализа. Условите на снабдувањето со природен гас се дефинирани во соодветните договори, стои во точката 4. Инаку, конкретните количини, услови и рокови на испорака на природен гас во Македонија треба да се најдат во договорите меѓу „Гаспром“ и „Македонски енергетски ресурси“.
Последната точка од договорот без датум
Овој договор влегува во сила на денот по последните писмени известувања За завршување на внатрешните процедури од страна на Страните, неопходни за неговото влегување во сила. Договорот важи 30 години. По истекот на овој, договорот автоматски продолжува за сукцесивен период од пет години, освен ако една од страните ја извести другата страна, не подоцна од 9 месеци пред истекот на истиот период, да го прекине овој Договор. Таквото известување ќе биде во писмена форма. Овој Договор може да биде дополнет со писмена согласност на страните. Раскинување на овој договор нема да влијае на обврските од договорите (договори) склучени во рамките на овој договор, во текот на периодот на нејзината важност. Интересно е што на крајот од договорот не се запишани никакви датуми. Ова е интегрално од документот кој е објавен од страна на владата на Русија.
Еве го целосниот документ...
http://government.ru/media/files/41d475666480b2100dbe.pdf
Договот за пуштање крак кон Македонија од Јужен поток требаше да се потпише пред три недели
Иако, најавено сепак на економскиот самит во Санкт Петерсбург (кој се одржа од 20 до 22 јуни 2013 година) Македонија не потпиша договор со Русија за вклучување на Македонија кон гасоводниот проект Јужен поток. На самитот македонската делегација ја предводеа министрите за финансии и економија
Зоран Ставрески и Ваљон Сарачини, но сепак информација за тоа што се случува со вклучувањето на земјава во проектот Јужен Поток не даде ниту една институција.
Инаку, министерот Ставрески на 11 јуни 2013 година, најави дека токму на петерсбуршкиот самит ќе биде потпишан договор за Јужен поток.
„Следната недела заедно со премиерот Никола Груевски ќе бидам во Русија. На крајот на неделата во рамките на Форумот во Санкт Петербург ќе се потпише договорот меѓу Русија и Македонија за влегување на нашата земја во Јужен тек“, изјави на 11 –ти јуни, 2013 година, министерот за финансии Зоран Ставрески.
Редакција Фактор