ЈУЖНА АФРИКА ГО ТУЖИ ИЗРАЕЛ ЗА ГЕНОЦИД: За израелските власти ова е беспредметно
Објавено во: Свет 30 Декември, 2023
Јужна Африка го тужи Израел за геноцид.
Јужноафриканската Република побара од Меѓународниот суд на правдата (ИЦЈ) итно да прогласи дека Израел ги прекршил своите обврски кон Конвенцијата за геноцид во војната против Хамас во Појасот Газа, а Израел го отфрли барањето како беспредметно.
Минатиот месец јужноафриканските пратеници гласаа да се затвори израелската амбасада во Преторија и да се прекинат сите дипломатски односи додека не се договори прекин на огнот во израелската војна против Хамас во Газа, во која се убиени десетици илјади цивили.
Од Меѓународниот суд на правдата се бара со привремена мерка да побара од Израел да ги прекине своите воени операции во Газа. Јужна Африка може да ја почне оваа постапка на основа на Конвенцијата за геноцид бидејќи и Израел и ЈАР се нејзини потписнички.
ЈАР со децении ја поддржува палестинската борба за државност во областите окупирани од Израел, поистоветувајќи ја позицијата на Палестинците со позицијата на црнечкото мнозинство во Јужноафриканската Република за време на репресивниот апартхејд, што е споредба која Израел жестоко ја негира. Хамас на 7 октомври почна со напади на Израел, по што израелските власти почнаа операција во Газа каде загинаа над 21.000 Палестинци.
Фото: Profimedia