Ќе банкротира Кроациа Ерлајнс?

Добивај вести на Viber

Неделникот Глобус во своето ново издание објави сторија за наводен банкрот на Кроациа Ерлајнс. Весникот пишува дека пред Крешимир Кучка кој е одговорен за Компанијата стои тешка задача бидејќи е повикан во Франција, на редовниот собир на бизнис лидери на Ербас, најголемиот европски произведувач на авиони. На средбата,  кој треба да се одржи што е можно поскоро, по можност до крајот на октомври, Кучка мора да објасни зошто Кроациа Ерлајнс не може да ги купи четирите нови Ербас A319 авиони, како што беше договорено. Според Глобус,  во рамките на сегашниот договор, купувањето нови авиони мора да се договори до 1-ви јануари 2013 година, односно веќе требало да биде договорен кредитот за новите авиони во „KFW Ipex“ банка.  Истата банка веќе ја има финансирано компанијата во зделките со  Ербас - па е спремна за  обезбедување на кредитот. Но, во Кроациа Ерлајнс не спремни за ново задолжување кое и онака веќе презадолжената компанија ќе ја одведе во банкрот. Вредноста на зделката со Ербас чини 175.000.000 долари, јавува неделникот. Она што во 2008 година, кога беше договорено да се купат нови авиони изгледало како добра зделка, сега се претвори во опасен финансиско-политичка трилер со неизвесна завршница, пишува весникот. Според Глобус, договорот за купување на четирите авиони милијарди бил услов за Никола Саркози да договори средба со Иво Санадер. 4 години подоцна, долгот достасал за плаќање.