Ќе останат ли САД имуни на светската рецесија?

Добивај вести на Viber

САД се единствениот зрак за глобалната економија, која е на прагот на новата рецесија, откриваат податоците на индекот кој го следи економското заздравување, пишува Фајненшл Тајмс. Според Индексот обновата на светската економија е доведена во прашање и покрај напорите на централните банки да го поддржат растот. Од почетокот на 2012 година економските податоци и индикаторите за довербата се влошени за сите водечки економии од групата на Г-20, со исклучок на САД, кои се во екот на предизборната кампања. Податоците од Индексот фрлаат сенка врз претстојните средби на Меѓународниот монетарен фонд (ММФ) и Светската банка (СБ) во Токио, на кои министрите за финансии ќе се обидат да најдат начин како да обезбедат одржлив раст. Според информациите кои протекоа во медиумите, ММФ, во својата прогноза која треба да биде објавена утре забележува дека економски раст ќе достигне 3,3% наместо 3,4%, како што се очекуваше во јули. За 2013 година ММФ прогнозира раст од 3,6% наместо првично предвидените 3,9%. Единствено во САД економското заздравување останува стабилно. Освен во Европа,  економскиот раст опаѓа и во земјите од групата БРИК (Бразил, Русија, Индија и Кина).