Добивај вести на Viber
Во наредните пет години цените на нафтата ќе паѓааат поради слабиот економски раст и подобрувањето на енергетската ефикасност, но и заради брзото зголемување на производството во Северна Америка и Ирак, соопштија од Меѓународната агенција за енергетика (ИЕА). Прогноза за раст на побарувачка на нафта за периодот од 2011 година до 2016 година се намали и ќе биде 500.000 барели дневно во споредба со претходниот извештај. Притисокот врз Организацијата на земји извознички на нафта (ОПЕК) да се произведе повеќе нафта ќе се намали толку драстично што до 2017 картелот ќе произведува 31 милион барели дневно или помалку од тоа што се произведува денес. Во претходниот извештај, од средината на декември 2011 година, Агенцијата предвиде дека очекува раст на побарувачката на нафта во светот за околу осум отсто во периодот од 2010 година до 2016 година. Сепак десет месеци подоцна се прогнозира дека побарувачката на нафта во светот до 2017 ќе порасне за помалку од 7% и дневното производство ќе изнесува 95.700.000 барели дневно.