Ќе се кастрат платите во јавниот сектор во Словенија

Добивај вести на Viber

Според словенечкиот министер за внатрешни работи Грегор Вирант, Владата годинава ќе го намали буџетот за плати на вработените во јавниот сектор, во просек за 6,4 отсто во однос на 2012 година. Притоа најналку ќе изгубат или 4,5 отсто вработените во здравствениот сектор, а најголеми кратења од 7,9 проценти ќе има во образованието и културата. Министерот додаде и дека е повеќе за рационализација и линеарно намалување на платите отколку за отпуштање на вработени, но дека е се работа на преговори, кои како главен преговарач на Владата ќе ги започне в понеделник со синдикатите. Минатата Влада најавуваше дека буџетот за плати на 160.000 вработени во јавниот сектор оваа година треба да се намали за пет отсто, со цел буџетските трошоци да се намалат и да се продолжи со планираното намалување на дефицитот на околу три отсто од бруто домашниот производ. Синдикатите поради ваквите најави кон крајот на јануари веќе одржаа еднодневен штрајк.