Само проектот за новите фасади на “Македонија“ и “Димитрие Чупоски“ чини 160 илјади евра

Добивај вести на Viber

Градот Скопје и Трговското друштво за производство, трговија, инженеринг и градежништво Архитектоника ДООЕЛ од Скопје склучија договор во непосредна спогодба “тежок“ 160.000 евра, покажуваат податоците од Бирото за јавни набавки. Фирмата за овие пари најдоцна до јули годинава ќе треба да изработи основен проект со вклучена ревизија за реконструкција на фасади на постојни објекти во централно градско подрачје на градот Скопје на улиците „Македонија“ и “Димитрие Чупоски“, според веќе избраното идејно решение на авторот Жарко Чаушевски. Склучувањето договор во постапка со преговарање без објавување оглас од Градот Скопје ја праваат со тоа што “кога предметниот договор следува по спроведување на конкурс за избор на идејно решение, се доделува на најдобро рангираниот учесник или на еден од најдобро рангираните учесници“. Во изработката на основен проект со вклучена ревизија на реконструкцијата на фасадите на овие две улици во центарот на Скопје, покрај Архитекторника ДООЕЛ ќе се вклучи и битолското Друштво за производство, трговија и услуги ПРОИНГ Љубе ДООЕЛ увоз-извоз. Оваа компанија Градот Скопје ја ангажира за речиси 30.000 евра, исто така во постапка со преговарање, без објавување на оглас. Оваа фирма на располагање ќе има 4 месеци за да го изработи она на што се обврзала пред градоначалникот на Скопје, Коце Трајановски. Битолската фирма ќе го изработува основниот проект врз основа на веќе одбраното идејно решение за изгледот на фасадите на зградите на овие две улици, од страна на свторот Звонко Ставревски.