Добивај вести на Viber
Европската комисија денеска соопшти дека ќе ги намали целите за употреба на биогоривата, за на тој начин да го ублажи негативното влијание врз производството и цената на храната.
Критичарите, меѓутоа, истакнуваат дека оваа мерка не оди доволно далеку, додека специјалниот известувач на ОН Оливија Де Шатер ги повика ЕУ и САД целосно да ја напуштат употребата на биогоривата, бидејќи земјиштето што се користи во нивното производство им е потребно на земјоделците да одгледуваат култури за прехранување на населението, пренесуваат француските медиуми.
Ќе се ограничи потрошувачката на биогорива „од првата генерација“, што се произведуваат на база на културите како што се пченка, цвекло или маслодајна репа, за на тој начин да се намали притисокот врз цената на храната и да се поттикне вложувањето во производство на биогорива што не влијаат врз производството на храна.
Во согласност со ова, уделот на биогоривата од „првата генерација“ во вкупната потрошувачка на енерегенси во сообраќајниот сектор во ЕУ во 2020 година ќе изнесува најмногу пет отсто, во споредба со сегашните 4,5 отсто, додека вкупната цел за уделот на обновливи извори на енергија ќе изнесува десет отсто.