Кацин: Германија нема нови услови за Србија

Добивај вести на Viber

Известувачот на Европскиот парламент за Србија, Јелко Кацин денеска се сретна со српскиот министер без ресор задолжен за евроинтеграции Бранко Ружиќ и со шефот на српскиот преговарачки тим со ЕУ, Тања Мишчевиќ, порача дека Србија треба да верува во своите капацитети, да има самодоверба и да не се прашува секое утро за нови услови. Според Кацин,  не му е познато дека  постојат нови германски услови за натамошната евроинтеграција на Србија. „Не ми се познати никакви нови услови од страна на Германија. Условите ги поставува Европската комисија и сметам дека Србија од своја страна покажа дека е доследна. Ова е непотребно драматизирање“, посочи Кацин.Запрашан за тоа дали е точно дека првите поглавја кои ќе мораат да бидат отворени и затворени се 23, 24 и 35, кое се однесуваат на Косово, Кацин одговори дека уште пред една година било договорено преговорите за Косово да бидат неутрални. „Не можеме пред да ги отвориме преговорите за што било друго, да го отвориме поглавјето 35 и да расправаме за Косово“, вели известувачот на Европскиот парламент.