Кадиров: Американците ме мразат затоа што се борам со терористи кои ги развиваат
Објавено во: Свет 21 Декември, 2017
Чеченскиот лидер Рамзан Кадиров и еден од најголемите сојузници на рускиот претседател Владимир Путин се најде на Магницки листата со која му е поставена забрана за патување во САД за сомнежи дека ги нарушува човековите права.
Кадиров на тоа одговори дека САД треба да ги погледне најпрво проблемите што ги има дома со кршење на човековите права и дека чеченската република не е никаква закана за никого.
Тој вели дека Америка го мрази бидејќи целиот живот го посветил на борба против терористи од кои голем дел од нив се обучувани и развивани од американските безбедносни служби.
Кадиров никогаш и не би отишол по своја волја па така во видеото кое им го испрати порача дека не стигнала се уште наредба за тој да се упати во САД, алудирајќи дека е подготвен и да војува со нив ако тоа му го нареди претседателот Путин.