КАДИРОВ НЕ САКА НЕГОВИТЕ БЛИСКИ ДА БИДАТ ПОД САНКЦИИ: Сака да се договори со Американците
Објавено во: Свет 05 Јануари, 2024
Чеченскиот лидер Рамзан Кадиров не сака неговите блиски да бидат под санкции и сака да се договори со САД за размена на украински заробеници.
Кадиров предложи САД да ги укинат санкциите против неговото семејство во замена за украинските заробеници. Списокот со затвореници му го предал на поранешниот американски разузнавач Скот Ритер, кој ден претходно пристигнал во чеченскиот главен град Грозни.
„Имам интересна понуда за нашиот гостин. Имаме затвореници кои ги зедовме од Доњецк, Луганск. На нашиот гостин му го давам (списокот). Ако ги укинат санкциите против мајка ми, моите ќерки и невините луѓе, коњите … освен на мене… тогаш ќе ги предадеме тие луѓе“, рече Кадиров, пренесе РИА Новости.Тој прикажа и видео порака од затворениците кои бараа отстранување на „апсурдни санкции кои не влијаат на ништо“ против роднините на Кадиров, неговите коњи и неговиот авион.
„Доколку ги исполнувате овие услови, 20 украински војници ќе се вратат во своите домови“, вели еден од нив на видеото.
Деновиве, Русија и Украина разменија заробеници. Во Украина се вратија бранителите кои војуваа во Мариупол и на Змискиот остров. Руската инвазија на Украина почна лани на 24 февруари.