26 Јули, 2021
0.0198

Како Централен регистар се брани од „Таргет груп“ додека го чека Обвинителството да реагира?

Објавено во: Економија 20 Јули, 2021

Централниот регистар досега во повеќе наврати успеал да издејствува поништување тендери на кои се јавил „Таргет груп“, а ги распишале државни институции за набавка на податоци. Државните институции експресно ги поништувале тендерите откако Централен регистар ќе извести дека „Таргет груп“ не смее да препродава нивни податоци!

Централниот регистар (ЦР), очекувајќи реакција од ОЈО, превземал мерки да ги заштити другите државни органи и институции, од според нив, злоупотребите на „Таргет груп“. Петта година го чекаат скопското обвинителство да преземе чекори по кривичната пријава од МВР поднесена во 2016 година. Конкретно, ЦР реагирал во случаи кога државни институции распишувале тендери на кои Таргет Груп ДОО се јавува како економски оператор кој ги нуди податоците кои исклучиво Централен регистар ги води во своите регистри.

При тоа, без исклучок, државните институции реагирале така што по реакцијата на ЦР ги поништувале постапките за набавка на такви услуги на кои се јавувал „Таргет груп“.

„Фактор“ ги очекува одговорите од скопското јавно обвинителство кои во значајна мерка треба да разјаснат дали има основа за кривично гонење на приватната фирма за која државниот Централен регистар тврди дека комерцијално ги злоупотребува т.е. препродава нивните податоци за кои тие се единствени овластени согласно со Закон за централен регистар да ги собираат, архивираат, чуваат и дистрибуираат.

Што е клучно за евентуалната злоупотреба?

Согласно член 14 од Законот за ЦР „податоците од Централен регистар можат да ги користат органите на државната управа, сите физички и правни лица, домашни и странски, освен ако за некои од нив поинаку не е определено со закон или со Договор”, што значи дека секој може да ги користи податоците со кои што располага ЦР, само доколку истите ги користи согласно Закон, потенцираат од ЦР и дополнуваат:

-Доколку се работи за поголемо множество на податоци, задолжително се склучува Договор за соработка и секој заинтересиран корисник може да ги добие истите, доколку ги прифати условите во Договорот.

 Во случајов на „Таргет груп“ Централниот регистар му го раскинал договорот токму заради неовластена редистрибуција на податоци, тврдат од ЦР и додаваат дека досега на Таргет Груп во два наврати им било овозможено да се јават како корисници на податоци и тоа во 2014 и 2015, за што биле склучени два договори и анекси на договорите. Согласно овие договори и обврските кои произлегуваат од истите, ЦР има доставувано податоци за листинг од обработена годишна сметка евидентирани во регистарот на годишни сметки (за околу 500 субјекти ), како и податоци за блокади на сметки на субјекти исклучиво за поединечни субјекти (за околу 2000 субјекти).

Како што објавивме од ЦР потенцираат дека „Таргет груп“ нуди услуги преку платформата „Бизнис Мрежа“ и при тоа незаконски како извор на податоците го наведува ЦР, што е спротивно на сите правни регулативи во државата, а се злоупотребува име на самостоен државен орган.

Како што веќе објавивме вчера  во текот на 2016 година утврдено е дека податоците на ЦР се предмет на препродажба односно комерцијално се злоупотребуваат (по спроведената анализа на количината на податоци кои се набавени од ЦР и оние кои се нудат на пазарот) од страна на ЦР било утврдено дека Таргет Груп ДОО на корисниците им нуди податоци во многу поголем обем од оние што ги презел од ЦР.  За ова, ЦР со допис го извести МВР, а во месец август 2016 година беше покрената истрага и ОЈО отвори предмет против Таргет Груп.

На нашето прашање дали досега реагирале јавно за, според нив, злоупотребата на податоците од нивните бази од Централен регистар одговорија дека се додека обвинителството не ја заврши постапката која е покрената против Таргет Груп не се во можност официјално да реагираат и да ги информираат правните субјекти дека податоците кои ги нуди и продава оваа компанија не се податоци добиени од Централен регистар.

Скопското јавно обвинителство не одговара на писмата на Централниот регистар!

Злоупотребата на податоците на Централен регистар најпрво треба да биде докажана во постапката покрената пред надлежните институции. Во меѓувреме до Основното Јавно Обвинителство, од страна на правниот застапник на ЦР,  повеќе пати се праќани барања за добивање  на информации за текот на постапката, но за жал сите обиди останаа безуспешни и до ден денеска немаме добиено никаков одговор, соопштија од Централниот регистар.

(Продолжува: Што работело скопското јавно обвинителство додека Централен регистар обвинува дека нелегално му препродаваат податоци?)


Р.Ф.

Можеби ќе ве интересира

Битиќи: За три месеци ќе стигнеме до бруто плата од 750 евра

Битиќи: За три месеци ќе стигнеме до бруто плата од 750 евра

Азески: Бизнисмените се за повеќе бизнис, а помалку историја на Балканот

Азески: Бизнисмените се за повеќе бизнис, а помалку историја на Балканот

Тинекс со поголеми профити во корона кризата

Тинекс со поголеми профити во корона кризата

За 24 часа биткоинот доживеа бум

За 24 часа биткоинот доживеа бум

Се бара поскапување на парното: Не чека ли „изгор“ зима?

Се бара поскапување на парното: Не чека ли „изгор“ зима?

Без данок тргување со криптовалути: ВМРО-ДПМНЕ веќе крои закон

Без данок тргување со криптовалути: ВМРО-ДПМНЕ веќе крои закон

Интервју Милан Самеш, Арикома: Сакаме да играме во првата лига на ИТ индустријата - одиме кон берза

Интервју Милан Самеш, Арикома: Сакаме да играме во првата лига на ИТ индустријата - одиме кон берза

Секоја државна компанија да котира на берза, јас сум радикална: Ексклузивно интервју со директорката за Загребска берза Ивана Гажиќ

Секоја државна компанија да котира на берза, јас сум радикална: Ексклузивно интервју со директорката за Загребска берза Ивана Гажиќ

Акционерски смени и продор на познати бизнисмени во подобри компании билдаат промет на берза: Кој направи раст од 30 отсто на блок трансакциите?

Акционерски смени и продор на познати бизнисмени во подобри компании билдаат промет на берза: Кој направи раст од 30 отсто на блок трансакциите?