Како до независна, експертска и професионална Антикорупциска

Добивај вести на Viber

Антикорупциска по скандалот кој изби во нејзините редови остана без директор и повеќе членови, па така надлежните власти треба побрзо да размислуваат кои ќе бидат кадрите кои ќе дојдат на нивно место за да продолжи непречено да работи ова важно независно тело во борбата со корупцијата.

Претседателот на Владата на Република Македонија, Зоран Заев смета дека Државната комисија за спречување на корупцијата треба да е составена од независни професионалци и експерти, бидејќи станува за една од најсериозните корективи на  извршната власт и еден од главните органи кој се бори против корупцијата. 

- Прашањето за докомплетирање на составот за Антикорупциската комисија е на Собранието, а јас од тоа што го прочитав од медиумите  знам дека неколку луѓе поднеле оставка и познато е дека се подготвуваат измени и дополнување на Законот. Мене ми е важно да има апсолутно експертска, независна и професионална комисија, изјави Заев одговарајќи на новинарско прашање по завршување на денешното судење за „Поткуп“. 

Премиерот посочи дека неделава планира да почне разговори за зголемување на парламентарното мнозинство.

- Планирам да разговарам со партиите кои имаат пратеници во Собранието, а досега не се дел од парламентарното мнозинство. Како ќе течат преговорите веднаш преку медиумите ќе и соопштувам на јавноста, потенцира Заев.