26 Јануари, 2021
0.0191

Како добивката на „Фабрика Карпош“ порасна за 8 пати?

Објавено во: Економија 27 Ноември, 2020

„Карпош“ успеа да одржи приходи од продажба на ниво од лани, да скрати трошоци во работењето, на намали макар и минимално финансиски расходи и да ја зголеми за речиси 8 пати добивката која овој период лани беше малку над позитивна нула. Оперативната добивка е 5 отсто од приходите од продажба што во градежништвото е солиден резултат

„Фабрика Карпош“ скопската компанија специјализирана за производство и монтажа на бетонски полуфабрикати  за првите девет месеци оствари осум пати поголема добивка од истиот период лани, покажуваат финансиските извештаи на друштвото достапни на Македонската берза за хартии од вредност.

Успехот е сплет на две групи фактори во комбинација со многу ниската добивка која за истиот период лани ја остварило друштвото. Во оваа компанија веќе извесен период наназад има консолидација во сопственичките редови и резултатите се очигледно подобри.

Прво, годинава приходите на „Фабрика Карпош“ се зголемени за 2 отсто во услови на стопанисување со многу ограничувања предизвикани од здравствената криза. Приходите од продажба изнесуваат 7,3 милиони евра и сите се остварени на домашниот пазар. Ова друштво освен што има специјалност за бетонски полуфабрикати, нуди и проектантски услуги, гради мостови, произведува бетонски далекуводни столбови, индустриски објекти и станови.

Второ, бруто добивката за овој период изнесува 2,14 милиони евра и е за 8 отсто повисока од истиот период лани. Клучните трошоци на друштвото годинава биле: трошоците за суровини и други материјали со 3,5 милиони евра што е за 5 отсто повеќе од лани, услугите со карактер на материјални трошоци кои изнесуваат 2,2 милиони евра и се за 7 отсто пониски од лани и трошокот за набавната вредност на трговските стоки кој бележи голем пад од 55 отсто и изнесува 378.000 евра. Трошоците за вработените се зголемени за 7 отсто и изнесуваат 1,5 милиони евра.

Оперативната добивка на друштвото за овој период е 377.000 евра што е за 2,7 пати повеќе од истиот период лани. Нето добивката е 271.000 евра и е 7,6 пати поголема од истиот период минатата година.

Доминантен сопственик на ова скопско градежно друштво е „Градежен институт Македонија“ кој поседува 75 отсто од акциите. „Карпош“ има уште 115 домашни акционери – физички лица кои поседуваат 17 отсто од акциите со право на глас

Р.Ф.

Можеби ќе ве интересира

Трпиме штети: Итна модернизација на патиштата во регионот бараат бизнисмените од Битола и Прилеп

Трпиме штети: Итна модернизација на патиштата во регионот бараат бизнисмените од Битола и Прилеп

Македонска берза долгорочно суспендираше една компанија

Македонска берза долгорочно суспендираше една компанија

ЕКСКЛУЗИВНО ИНТЕРВЈУ СО БИТИЌИ: Спасивме најмалку 80.000 работни места, креираме нови антикризни мерки од педесетина предлози

ЕКСКЛУЗИВНО ИНТЕРВЈУ СО БИТИЌИ: Спасивме најмалку 80.000 работни места, креираме нови антикризни мерки од педесетина предлози

ДАЛИ И КОЈ НЕЗАКОНСКИ ТРОШЕЛ ДРЖАВНИ ПАРИ - еве на чии врати годинава ќе чукнат државните ревизори

ДАЛИ И КОЈ НЕЗАКОНСКИ ТРОШЕЛ ДРЖАВНИ ПАРИ - еве на чии врати годинава ќе чукнат државните ревизори

Чии се четирите машини за кои РЕК Битола без тендер ќе плати до 3,2 милиони евра?

Чии се четирите машини за кои РЕК Битола без тендер ќе плати до 3,2 милиони евра?

Криза ќе биде и за државните регулатори, во 2021 со помалку пари

Криза ќе биде и за државните регулатори, во 2021 со помалку пари

Дизелот поевтинува за половина денар, другите цени на горивата остануваат исти

Дизелот поевтинува за половина денар, другите цени на горивата остануваат исти

Доцнењето на законските измени го враќа проблемот со злоупотреба на екстра лесното гориво

Доцнењето на законските измени го враќа проблемот со злоупотреба на екстра лесното гориво

УГОСТИТЕЛИТЕ И ВИЦЕПРЕМИЕРОТ БИТИЌИ ВО ПЕТОК ЌЕ ГИ „КРОЈАТ“ НОВИТЕ МЕРКИ - главно е барањето за помош за плати на вработените

УГОСТИТЕЛИТЕ И ВИЦЕПРЕМИЕРОТ БИТИЌИ ВО ПЕТОК ЌЕ ГИ „КРОЈАТ“ НОВИТЕ МЕРКИ - главно е барањето за помош за плати на вработените