Како еболата почна да нанесува економски штети?
Објавено во: Анализа 11 Август, 2014
Американскиот концерн Caterpillar ги евакуира вработените од Либерија. Canadian Overseeas Petroleum Ltd. го замрзна проектот за дупчење. British Airways откажа летови кон регионот. ExxonMobil и Chevron чекаат да видат дали здравствените власти можат да се справат со опасноста од ширење на вирусот Ебола.
Експлозијата на вирусот Ебола од која починаа речиси 1.000 лица, го спречува бизнисот и предизвикува економска штета во три африкански земји во центарот на кризата - Гвинеја, Сиера Леоне и Либерија. Според аналитичарите засега кризата не влијае на пошироката африканска економија или пак глобалната економија, забележуваат агенциите.
"Треба да сме сигурни дека се ќе биде ставено под контрола ", рече Олусегун Аганга, министер за трговија и инвестиции на Нигерија, која потврди девет случаи на Ебола.
"Штом ова е направено, мислам дека нема да има трајно влијание врз економијата".
Светската здравствена организација објави дека експлозијата е вонредн настан за меѓународното јавно здравство. СЗО не препорачува забрани на патувањата и трговијата.
Организацијата сепак предупреди секој кој имал близок контакт со пациенти со Ебола, да избегнува патување во странство. СЗО повика на меѓународните аеродроми и граничните премини да се вршат внимателни прегледи за болеста.
ЕУ пак смирува дека унијата е подготвена да се соочи со болеста, доколку епидемијата земе широк замав, иако европскиот комесар за здравство Тони Борг оцени дека ризиците од болеста во Европа се „многу мали“.
- Сакам да им порачам на граѓаните дека ризиците еболата да се прошири на европската територија се многу мали. Прво, затоа што многу малку лица кои доаѓаат во Европа можат да бидат заразени и второ, затоа што болеста се пренесува само преку допир со телесните течности на заболен – објасни Борг во своето соопштение.
Досега еден заразен од ебола е пренесен на лечење во Шпанија, а во Букурешт вчера беше хоспитализиран пациент со симптоми на ебола.
Според СЗО, оваа епидемија на еболата е најголема во последниве четири децении.
К.К.
"Штом ова е направено, мислам дека нема да има трајно влијание врз економијата".
Светската здравствена организација објави дека експлозијата е вонредн настан за меѓународното јавно здравство. СЗО не препорачува забрани на патувањата и трговијата.
Организацијата сепак предупреди секој кој имал близок контакт со пациенти со Ебола, да избегнува патување во странство. СЗО повика на меѓународните аеродроми и граничните премини да се вршат внимателни прегледи за болеста.
ЕУ пак смирува дека унијата е подготвена да се соочи со болеста, доколку епидемијата земе широк замав, иако европскиот комесар за здравство Тони Борг оцени дека ризиците од болеста во Европа се „многу мали“.
- Сакам да им порачам на граѓаните дека ризиците еболата да се прошири на европската територија се многу мали. Прво, затоа што многу малку лица кои доаѓаат во Европа можат да бидат заразени и второ, затоа што болеста се пренесува само преку допир со телесните течности на заболен – објасни Борг во своето соопштение.
Досега еден заразен од ебола е пренесен на лечење во Шпанија, а во Букурешт вчера беше хоспитализиран пациент со симптоми на ебола.
Според СЗО, оваа епидемија на еболата е најголема во последниве четири децении.
К.К.
