КАКО ФИРМА СО ВЛОГ ОД САМО ПЕТ ИЛЈАДИ ЕВРА - доби кредит од 380 илјади евра, со заложено земјиште во Врапчиште
Објавено во: Економија 10 Февруари, 2021
Не престануваат реакциите околу случајот Еуростандард банка.
Здружението на оштетени штедачи на Еуростандард банка продолжува да бара одговорност за пропаѓањето на банката, како и враќање на парите.
Овој случај е уште еден чист криминал во редот на 149 фирми приматели на ненаплатливи или тешко наплатливи кредити преку кои се украдени околу 55 милиони евра од депозитите во Еуростандард банка. Кражбата е евидентна. Само врз основа на фактичката состојба за криминалниот случај опишан погоре, се поставуваат многу прашања. Како е можно да раководството на Еуростандард банка одобри кредит на фирма која е деловно неактивна? Врз основа на кои и какви документи е направена кредитната анализа на фирмата? Врз основа на кои интерни политики и процедури за кредитен ризик како и критериуми за одобрување на кредити, раководството на банката одобрило да биде даден кредит на оваа фирма? Како тоа раководството на банката одобрило значително поголем износ на кредитот во однос на проценетата вредност на земјоделското земјиште? Зошто не е отворен стечај за оваа фирма на основа на долгот кон Еуростандард банка туку истата директно се затворила, а со тоа пропаднало и целото побарување, сега кон нас оштетените доверители?
За да јавноста биде запозната, на дебатната емисија на ТВ24 во ноември минатата година, Трифун Костовски јавно обзнани дека кредити се давале со нереално зголемени проценети цени на хипотеки, конкретно наведувајќи токму пример за даден голем кредит врз основа нереално проценето обезбедување со земјоделско земјиште во село Врапчиште, Гостиварско. Оттука, се поставува и прашањето, дали и колку се реално проценети и хипотетките кои се дадени за делените кредити во Еуростандард банка.
Вакви и слични случаи во банката има многу. Секој случај на неповратен кредит е посебна криминална сторија. Кражба на депозити со умисла и план. Како е можно да е правен криминал од вакви огромни размери со години, а гувернерката Анита Ангеловска Бежоска да не го видела тоа!?
Сепак, добро знаејќи го сето ова, зошто гувернерката Бежоска не вовела санкции кон банката и не ги одземала лиценците за работа на тројцата првотимци од банката? Зошто не вовела административна управа во банката? Едноставно, зошто не направила нешто за да го спречи криминалот пред неколку години, уште кога можело нешто да се спречи и санира? Дали гувернерката Бежоска чувствува задоволство што ние и нашите семејства сега страдаме и сме во агонија? Тројцата првотимци, добро познатите раководни лица во Еуростандард банка, масовно и свесно потпишувале и одобрувале ненаплатливи кредити додека гувернерката Бежоска тоа го одобрувала и им дозволила да продолжат да крадат“, велат во своето седиште оштетените штедачи.
Како што е познато, Јавното обвинителство за гонење организиран криминал и корупција поднесе обвинение против четири лица со посебни права и одговорности во Еуиростандард банка, поради сомнение за предизвикување стечај и перење пари.