18 Мај, 2021
0.0319

Како иновациите и дигитализацијата ги водеа бизнисите и потрошувачите во пандемијата: Врвен вебинар со најдобрите професионалци

Објавено во: Економија 04 Мај, 2021

На 27-ми април, 2021-ва година се одржа вебинар на тема „DIGITAL TRANSFORMATION OF BUSINESSES AND CONSUMERS”, во организација на Катедрата за е-бизнис при Економскиот Факултет – Скопје, УКИМ.

На вебинарот учествуваа професионалци со докажано искуство и експертиза во областа на дигиталниот бизнис:

·  Иво Стојановски - Digital Transformation Expert, А1 Македонија

·  Искра Конеска - HR & People Development Manager, Intertec.io

·  Александар Николовски – Член на УО, Капитал Банка А.Д. Скопје

·  Јанко Дракуловски – сопственик, GSM Media

Настанот започна со воведно обраќање на проф. д-р Лидија Пулевска-Ивановска, а потоа дискусијата ја започнаа и модерираа проф. д-р Димитар Јовевски и асс. м-р Мартин Киселички. Целосниот фокус беше насочен кон иновациите на бизнис секторот и воведувањето на дигитализирани процеси, организациска структура и услуги, како и променетите барања од потрошувачите во екот на пандемијата. Базирајќи се на богатото искуство на говорниците, беа опфатени аспекти и елементи од различни индустрии. Говорниците посочија дека во последната година експоненционално се зголеми потребата за водење на бизнисот со помош на дигитални иновации и алатки, при што предизвиците за секоја компанија се индивидуални и бараат целосно редефинирање на процесите кои се веќе поставени. Дискусијата се водеше со фокус во две посебни насоки за компаниите:

·  Дигитална трансформација на интерни процеси и структура

·  Дигитална трансформација на услуги и однос со потрошувачи

Трендот кој се појави минатата година со виртуелно работење се очекува да продолжи и во иднина, а главните предизвици кои беа посочени од говорниците беа мотивацијата и осаменоста при работењето од дома. Постојат голем број на дигитални алатки кои компаниите можат да ги имплементираат за реплицирање на традиционална работна околина, а во одредени случаи може и да се преферира ваквиот виртуелен начин на работа.

Кога станува збор за потрошувачите, главниот предизвик што го создаде пандемијата е лимитирањето на физичкиот контакт и досегашниот начин на интеракција. Дигиталната трансформација нуди нови можности на интеракција, при што беа посочени практични примери од искуството на говорниците, како целосно автоматизираниот робот (chat bot) „Славчо“ на А1 Македонија или пак првата виртуелна експозитура воведена од Капитал Банка А.Д. Скопје. Говорниците посочија дека процесот на дигитална трансформација е комплексен, а должината зависи од барањата, потребите и ресурсите на една компанија.

Отворениот формат и даде шанса и на публиката да се вклучи со прашања до говорниците, при што дискусијата беше збогатена со подетална анализа на досегашните искуства на говорниците со предизвиците при имплементација на дигитални решенија, како и нивните предвидувања за идни трендови поврзани со дигиталната трансформација.

Кон самиот крај на вебинарот, преку сублимација на главните точки и поенти на дискусија, беше констатирано дека дигиталната трансформација како процес е неизбежна за секоја модерна компанија. Бариерите кои се појавуваат при имплементација може да бидат надминати со посветување на време и ресурси во овој потфат, а постојат голем број на можности и предности кои се отвораат за компаниите при воведување на дигитални иновации во своето работење. 


Можеби ќе ве интересира

Анѓушев демантира дека е поврзан со увоз или користење на токсични масла

Анѓушев демантира дека е поврзан со увоз или користење на токсични масла

Ќе се направи супер анализа за македонското брашно кое е вратено од Косово

Ќе се направи супер анализа за македонското брашно кое е вратено од Косово

Промени во врвот на Европа: Кој седи во директорските фотелји на фабриката за чоколади и вафли

Промени во врвот на Европа: Кој седи во директорските фотелји на фабриката за чоколади и вафли

Бектеши вели дека инспекторатот предводен од Стојко Пауновски не го контролирал независно квалитетот на горивото

Бектеши вели дека инспекторатот предводен од Стојко Пауновски не го контролирал независно квалитетот на горивото

ОД ПРВИОТ ПОВИК ВЛАДАТА НЕ ОДБРА НИ ЕДЕН, А РАСПИША НОВ ОГЛАС ЗА СТРАТЕШКИ ПРОЕКТИ - кој ќе вложи 100 или 150 милиони евра во земјава и во што

ОД ПРВИОТ ПОВИК ВЛАДАТА НЕ ОДБРА НИ ЕДЕН, А РАСПИША НОВ ОГЛАС ЗА СТРАТЕШКИ ПРОЕКТИ - кој ќе вложи 100 или 150 милиони евра во земјава и во што

Следните денови точиме горива по овие цени

Следните денови точиме горива по овие цени

Лани 10 милиони евра повеќе потрошени за лекови во болниците и поликлиниките

Лани 10 милиони евра повеќе потрошени за лекови во болниците и поликлиниките

Бизнисот со самопослуги во корона криза порасна до 170 милиони евра! Кои се најголемите ланци супермаркети?

Бизнисот со самопослуги во корона криза порасна до 170 милиони евра! Кои се најголемите ланци супермаркети?

ОД СКОПЈЕ ДО ГОСТИВАР И ОД ПРИЛЕП ДО МАКЕДОНСКИ БРОД: Лекари живеат во еден, а работат во друг град

ОД СКОПЈЕ ДО ГОСТИВАР И ОД ПРИЛЕП ДО МАКЕДОНСКИ БРОД: Лекари живеат во еден, а работат во друг град