Како Израел го преживеа еден од најголемите напади: Повеќеслојната одбрана одигра клучна улога

Добивај вести на Viber

Стотиците беспилотни летала, крстаречки ракети и други проектили што Иран ги истрела кон Израел во саботата вечерта, ако се погледне претставата, освен произведениот страв од ширење на конфликтот, немаа никакво значајно влијание врз бројните воени цели во Израел.

Нападот на Иран врз Израел е веројатно еден од најголемите напади од една земја врз друга во последните неколку децении, но судејќи според извештаите, еден ден по почетокот на конфликтот, штетата што беше пријавена беше минимална.

Иако израелските, јорданските, британските и американските авиони соборија бројни авиони и проектили далеку од границата на Израел, важна улога во одбраната имаше и израелската повеќеслојна воздушна одбрана која, издржа еден од најголемите тестови во последните неколку години.

Покрај веќе познатата Железна купола, Израел има уште неколку системи во својот одбранбен систем кои му помагаат да пресретне ракети и други видови закани.

Сите тие системи одиграа важна улога во вчерашниот напад, кој беше координиран од Иран како и од Либан, Ирак, Јемен и Сирија.

Еден од тие системи е „Стрела“ што Израел ја разви во соработка со Соединетите Американски Држави.

„Стрелата е дизајнирана да пресретнува ракети со долг дострел, вклучувајќи го и типот на балистички ракети кои Иран ги лансираше во саботата. Стрелата, која работи надвор од атмосферата, исто така се користи за пресретнување ракети со долг дострел лансирани од Хутите од позиции во Јемен. .

Друг систем што Израел го користеше во саботата е „Давидовата прашка“.

„Таа е способна да пресретне ракети истрелани кон Израел од Иран, Сирија и Либан“, изјавија од ИД.

Третиот систем што го користи Израел е Патриот, кој е и најстариот член на израелскиот одбранбен систем.

„Се користеше за време на Првата Заливска војна во 1991 година за пресретнување на проектили од Ирак. Патриот сега се користи за соборување авиони и беспилотни летала“, се вели во извештајот.

Последен во системот што се користи за одбрана на Израел е веќе надалеку познатата Железна купола.

„Таа е специјализирана за соборување ракети со краток дострел. Железната купола досега пресретнала илјадници ракети откако беше активирана на почетокот на минатата деценија. Израелската армија изјави дека Железната купола има стапка на успех од над 90 проценти “, пишува Асошиетед прес.