Како одговорија пазарите на шокот од Брегзит?
Објавено во: Економија 21 Јули, 2016 16:18
Финансиските пазари добро му се спротивставија на шокот кој го предизвика одлуката на Велика Британија да излезе од ЕУ, изјави претседателот на ЕЦБ Марио Драги.
„После референдумот, финансиските пазари во еврозоната зголемената неизвесност и волатилност ја пребродија со охрабрувачка отпорност“, рекол Драги на конференцијата за новинари одржана после редовното заседание на ЕЦБ.
Економијата на еврозоната, како што наведува Драги, би можела да добие нова доза на поттикнувања, доколку Брегзит почне да ги загрозува економските перспективи на регионот.
„Во наредните месеци, благодарение на новите информации и проекции на вработените во ЕЦБ, ќе бидеме во подобра ситуација за разгледување на макроекономските услови“, додал Драги.
Минатомесечниот Брегзит го означи клучниот ризик, кој, како што рекол, би можел да ја загрози трговијата помеѓу Британија и Европа.
ЕЦБ денеска ги задржа клучните каматни стапки на рекордно ниско ниво, при што маргиналната каматна стапка, која се наплатува на банките кои позајмуваат средства од ЕЦБ, е оставена на 0,25 отсто, додека каматата на депозитите е задржана на минус 0,40 отсто, изјавил портпаролот на ЕЦБ. Референтната каматна стапка на ЕЦБ останала на нула.
Можеби ќе ве интересира
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
ЕВЕ КОИ ЛИЦА ЌЕ БИДАТ ДЕЛ ОД УО НА ЦЕНТРАЛНА КООПЕРАТИВНА БАНКА - добиена е согласност од Народна банка
Крај на една ера: Легендарниот дизајнерски шеф на Mercedes-Benz ја напушта компанијата
ОД ДЕНЕС НОВИ ЦЕНИ НА ГОРИВАТА: РКЕ вчера ги соопшти деталите
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
