Како помина транзицијата на Зоран Шапуриќ од министер до прв инспектор

Добивај вести на Viber

Државниот земјоделски инспекторат под водство на Зоран Шапуриќ доделил 288 парични казни, од кои речиси пола во рибарството, во минатата година. Директорот на ДЗИ може да се пофали и дека предводел инспекторат во година кога инспектор добил отказно решение, што познавајќи го македонското поднебје, на истото може да се гледа во позитивен контекст. Во изминатите години такво нешто немало, а инспекторот сепак добил отказ поради прекршок во Законот за работни односи, а не поради евентуално несовесно работење или злоупотреби.

На крајот од минатата година заради палење на стрништа и загадување на воздухот инспекторатот направил 452 контроли, издал 43 парични казни и 11 барања за прекршочни постапки. Констатирана е опожарена површина од 270 хектари. Оваа акција е посебно издвоено во соработка со МВР и противпожарните екипи.

За повеќе од 5.700 вонредни надзори е подобрена евиденцијата во 2019 споредено со 2018. Бројот на едукации е зголемен за повеќе од два и пол пати од една година претходно и изнесува 364 во обид на прекршителите да им се укаже со опомена пред казнување. Од заплени, најмногу имало овошни садници - преку десетина илјади.

Шапуриќ беше министер без ресор во Владата на Република Македонија, задолжен за регулатива за подобрување на инвестициската клима за домашните претпријатија. Во септември, како дел од промените во Владата, беше „прекомандуван“ од вицепремиерксата функција во директорската на чело на ДЗИ.

ДЗИ е инспекторат со еден од најголемите буџети - 2,2 милиони евра и со повеќе од 110 вработени. 

А.К.