КАКВА Е КОРИСТА ОД ТЕСТИРАЊЕТО АКО 50 ОТСТО ОД НИВ СЕ ПОЗИТИВНИ - хрватски лекар вели дека би задржал само две мерки

Добивај вести на Viber

Началникот на Кризниот штаб на КБ Дубрава во Хрватска, проф. Д-р Бруно Баршиќ во интервју за Индекс.хр ги коментира последните информации кои доаѓаат од Велика Британија. 

Да потсетиме, британските власти најавија дека следната недела ќе ги укинат повеќето рестриктивни мерки воведени за борба против варијантата на коронавирус омикрон и дека во март планираат да ја укинат изолацијата за луѓето кои се позитивни на вирусот.

Проф. Д-р Баршиќ за Индекс.хр вели дека е логично да се оди во оваа насока и во Хрватска, и посочи дека поради омикрон во таа држава има голем број заразени, но не и притисок врз болниците, и нагласи дека омикрон не ги наполнил болниците и се надева дека така ќе остане.

Од четврток, 27 јануари, носењето маски во ОК повеќе нема да биде задолжително, нема да биде официјално препорачливо да се работи од дома, а веќе нема да се бара потврда за коронавирусот за влез во ноќни клубови и одредени поголеми собири, изјави британскиот премиер Борис Џонсон.

Укинувањето на сертификатите за ковид сериозно се размислува и во Израел, каде министерот за финансии Авигдор Либерман се крена против нивната континуирана употреба. Тој рече дека немаат здравствени цели и дека придонесуваат за создавање паника.

Сирил Коен, еден од советниците за вакцинација на израелската влада и шеф на Одделот за имунологија на Универзитетот Бар Илан, вчера изјави дека потврдите за ковид станаа „неважни“ во времето на доминацијата на омикрон и дека очекува тие наскоро да бидат укинати.

„Кога станува збор за омикрон, ние практично не гледаме никаква разлика помеѓу вакцинирани и невакцинирани, и едните и другите можат да бидат заразени повеќе или помалку подеднакво“, рече тој. Го прашавме проф. Д-р Баршиќ како ги коментира најавите на Велика Британија и Израел за укинување на рестрикциите, тестирањата и сертификатите за ковид.

„Тоа е логично. Се оди во таа насока. Ако имате 50 проценти од тестираните на кои им е дијагностицирана инфекција со Ковид-19, тогаш каква е користа од тестирањето? Мене ми изгледа логично да одиме во таа насока во нашата земја исто така“, рече проф. д-р Баршиќ во интервју за Индекс.хр.

„Од сите мерки би го задржал само ограничувањето на масовните собири и маските“, рече тој.

Тој ги коментираше другите мерки кои се на сила и посочи кои треба да бидат напуштени. „Од сите мерки, би ги задржал оние што ги ограничуваат масовните собири и носењето маски. Засега, маските се многу важни бидејќи гледаме дека омикрон брзо се шири“, рече тој.

Инаку, таа болница, во поголемиот дел од пандемијата била единствената што го носела товарот на КОВИД и примала пациенти. „Вечерва примивме осум пациенти кои се покажаа како ковид-позитивни. Имаме 10 пациенти на респиратор. Ситуацијата се подобрува и со сигурност можеме да кажеме дека Омикрон не ја наполни нашата болница. Се надеваме дека така ќе остане“, кажа лекарот.

„Многу познати личности сега имаат омикрон и нивните симптоми се болки во грлото, кашлица... Некој има блага дијареа. Нема тешки клинички слики со омикрон. А што се однесува до хоспитализираните, ако имаат омикрон, што е нивната примарна причина за хоспитализација, тогаш се работи за постари лица кои не се вакцинирани“, рече проф. д-р Баршиќ.

Извор и фото: Индекс.хр