КАКВИ ЛУЃЕ НИ ГИ ЧУВААТ ДЕЦАТА: Има или нема притвор за агресивната дадилка
Објавено во: Македонија 22 Ноември, 2019
Низ медиумите брза како молња се рашири веста за дадилка која малтретира дете во скопско кафуле.
Кривичен суд за дел од медиумите негира дека дадилката која ја уловија камерите на кафулето „Дежаву“ добила мерка притвор.
Засега е извесно дека дадилката е приведена во полициската станица во скопски Аеродром.
Јавноста се згрози од она што го виде и се запраша какви бебиситерки им ги чуваат децата на родителите.
Имено не е прв пат негувателка на дете да постапува на ваков начин. Во 2015 година во притвор заврши жена дадилка која наместо да го чува, го малтретира и грубо се однесува кон деветмесечно бебенце во Скопје.