КАЛЕНДАРОТ СО ОБВРСКИ НА КЕЈТ МИДЛТОН Е ПРАЗЕН ДО КРАЈОТ НА ГОДИНАТА - тоа значи само едно, а еве како ќе влијае на кралското семејство

Добивај вести на Viber

Извори блиски до кралското семејство тврдат дека враќањето на Кејт Мидлтон во јавноста се одложува „за да се избегне стресот“ кој може да влијае на нејзиното влошено здравје.

"Неколку соработници треба да го знаат точниот распоред на настани неколку месеци однапред. Календарот на Кејт Мидлтон, ми кажуваат, е празен до крајот на годината. Ништо не е планирано. Како што стојат работите, не треба да се очекува се појавува во јавноста до крајот на оваа година“, изјавил за порталот Дејли Бист инсајдер од палатата Кенсингтон.

Принцезата од Велс не е видена од Божиќ минатата година. Во февруари и официјално беше објавено дека е оперирана, а нејзиното враќање на обврските може да се очекува до почетокот на мај. Сепак, на 22 март принцезата и се обрати на јавноста со многу емотивна изјава, велејќи дека боледува од рак и оди на превентивни третмани со хемотерапија. Тоа беше шокантна вест за многумина.

Британците сакаат да слушнат било какви информации за здравјето и лекувањето на најомилениот член на кралското семејство, но нив ги нема, а кога нешто ќе се појави во медиумите, исто како ова на Дејли Бист, тоа не дава преголем оптимизам, во смисла на најави за враќање што многумина би сакале да ги слушнат.

Порталот цитира и наводен „близок пријател“ на принцот и принцезата од Велс, идниот крал и кралица, кој тврди дека главната причина за долгото отсуство и празниот календар на Кејт е „грижата за нејзиното физичко и ментално здравје“.

- Избегнувањето на сите форми на стрес и замор е клучно за Кејт сега. Она што треба да го направи е да се грижи за себе, и да направи се за што поскоро да оздрави – изјавил тој извор. 

Тој додал дека наскоро, штом заврши учебната година, целото семејство ќе се пресели во Сандрингем во Норфолк. Огромниот имот ќе им обезбеди на Кејт, принцот Вилијам и нивните деца поголема приватност и мир.

Се чини дека во моментов Кејт воопшто не го напушта својот дом, а извори блиски до кралското семејство тврдат дека се лажни гласините дека таа повремено ги вози децата на училиште, кое е на околу 15 километри од Виндзор.

( Курир.рс / Блиц жена )