„Капитол“ ќе блесне во Аеродром!

Добивај вести на Viber

Финишира изградбата на трговскиот центар Капитол во скопската населба Аеродром. Од раководството најавуваат дека свеченото отворање на „Капитол“ ќе биде кон средината на декември. Изградбата почна во јуни минатата година, а инвестицијата е во вредност од 30 милиони евра. Трговскиот центар е сместен на површина од 35.000 метри квадратни. - Граѓаните ќе добијат нов современ трговски центар, со бутици од светски познати брендови, резиденции, детски игротеки, фитнест центар, 3Д кино сали, ресторани, банки, аптеки, голем супер маркет Рамстор и се друго. Очекувам трговскиот да работи најдобро, бидејќи ќе биде најдобриот трговскиот ценатар со нови брендови кои за прв пат ќе им бидат понудени на македонските граѓани. Со отворањето на тровскиот ценатр се отвораат и 400 нови работни места, велат за Фактор извори од „Капитол“. Од раководството не откриваат кои ќе бидат светските брендови, бидејќи како што велат тоа го чуваат како  изненадување за денот на отворањето на трговскиот. Освен за гардероба, во трговскиот ќе има бутици со познати брендови за долна облека, детска облека и за чевли. Трговскиот центар е на четири спрата и има сопствен подземен паркинг простор со капацитет за 400 возила. Горните спратови од хотелот ќе бидат резиденции, а продажната цена за нив изнесува 1.500 евра за метар иквадратен. Уште кога почна изградбата инвеститорот најави дека станува збор за хотел од висока категорија од ланецот “Рамада“. Се градат нови, старите трговски центри пропаѓаат Трендот на изградбата на трговски ценатри во Скопје е се поприсутен последниве години.  Ин­ве­сти­ци­и­те во тр­гов­ски­те цен­три вре­дат не­кол­ку сто­ти­ци ми­ли­о­ни евра. Лани се отвори трговскиот центар Сити Мол чија што инвестиција беше во вредност од  над 100 милиони евра. Само последните неколку години во време на економска криза и речиси најниска куповна моќ во Европа, во Скопје се изградија неколку големи трговски центри како Рамстор, Соравија, Зебра , Сити Галери, Веро, Лумикс. Упатените во бизнисот велат дека и постоечките трговски центри не работат со полн капацитет, но цените за изнајмување на простор не се драстично намалени. И покрај тоа што и во дел од поновите трговски центри речиси секојдневно се затвораат дуќаните, според бизнисмените, никој инвеститор кој вложува милиони евра на одреден пазар, не го прави тоа без претходна добра анализа на потрошувачките навики на граѓаните. Но од друга срана наспроти експанзијата од нови трговски центри, постоечките трговски центри изиградени во деведесетите години се оставени на забот на времето. Економската криза и конкуренцијата ги уништува некогашните бисери на трговијата. Мавровка, Олимпико, Алуминка, Антико, стариот трговски во Капиштец и во Аеродром, трговскиот центар  во трите кули во населбата Карпош, Скопјанка, Чаирчанка, со години стојат со руинирани празни дуќани, и по некој фризерски салон, деловна канцеларија или колонијал. Дел од просториите се издадени под закуп, дел зјаат празни бидејќи сопствениците речиси и да се откажале од идејата да ги издадат, а на прсти се бројат дуќаните кои работат. И овие трговски центри се наоѓаат на атрактивни локации, па дури и во близина на дел од новите трговски центри. Според урбанистите проблемот не е во локацијата, туку  при­чи­на­та за про­па­ѓа­ње­то на овие тр­гов­ски цен­три ја ло­ци­ра­ат дел во др­жа­ва­та, а дел во про­ме­не­ти­те на  по­тре­бите на лу­ѓе­то. Сепак во целата работа, дополнително свој удел има и економска криза, што според дел од бизнисмените е главната причина за пропаѓањето на центрите изградени во 90-тите години. Истражувањата на терен покажале дека, сега скопјани имаат потреба од големи затворени трговски центри.  Ј.С