КАТАКЛИЗМА: Потопени градови, Сава носи се пред себе!

Добивај вести на Viber

“Прием, прием! Во Пожарникарскиот дом во Обреновац се породи трудница. Се роди бебе. Ве молиме дали можеме да добиеме амфибија“ – гласно зборуваше спасувач кој бараше итна помош ноќта во саботата, пренесе српски 24 Часа. Оваа е една од убавите вести во црниот биланс на жртви што ги брои Србија и Босна и Херцеговина во последните неколку денови по катастрофалниот потоп. Она што се случува на Србија, односно на сега веќе целосно срамнетиот со земја Обреновац не се памети од 1981 та година. Според историските податоци првите насипи за одбрана од поплави во висина од еден ипол метар ги изградила Марија терезија на левата страна од коритото на реката Сава. Најголемата поплава во Обреновец се случила на 17 март 1981 година, кога Колубара се излила и се насочила кон Обреновец. Од 1981 година, иако секоја година се бележи раст на водостојот на Сава и на Колубара, и ако жителите се соочуваат со опасноста од надојдените води,  Обреновец не бил срамнет со земја, се до денеска. Уште една ноќ помина во евакуација и поставување на насипи по должина на реката Сава. Според информациите на српските медиуми иако нивото на реката конечно стагнира, сепак таа е закана за населените места по нејзината должина. Се најавува евакуација на жителите на уште шест села. Еве, хронолошки што се случуваше во изминатото деноноќе: 17 часот и 37 минути “БЛИЦ“: “Многу луѓе и натаму се јавуваат во редакциите на белградските медиуми и молат за помош. Се верува дека голем број на граѓани се зарбени во своите домови. Последните информации упатуваат на тоа дека браната во Баровиќ пукнала, по што е наредена итна евакуација. Владата на Србија отвори денарска и девизна сметка за помош, особено се надева на странската помош.“ 16 часот и 06 минути “БЛИЦ“ И познатите личности во Србија се вклучија во битката со катастрофата. Манекенот Владо Вуксановиќ беше меѓу доброволците кои заминале да помогнат во Обреновец. “Се наоѓам во Обреновец, на влезот кај Звечка. Итно ни е потребна помош!  По четири часа успеав да добијам линија на мобилен телефон и кој знае кога следен пат ќе успеам. Страшни работи се случуваат. Нема доволно чамци за извлекување на луѓето. Нема ниту доволно луѓе за помош, спасувачи, пожарникари. Чамците се најпотребни“ – апелираше Вуксановиќ. 18 часот и 40 минути“Е-НОВИНЕ“: Од правецот на Бариќ кон Белград се движи голема колона на возила на граѓаните кои се евакуираат со сопствени превозни средства. Стотина луѓе од Умк ќе бидат сместени во основното училиште „Доситеј Обрадовиќ“ во тоа населено место. Во местото Умк полицијата го затвори патот што води кон Обреновац, односно Барич од каде се евакуираат граѓаните. Се пропуштаат само автобусите за евакуација како и механизацијата за борба против поплавите. Во доцните попладневни часови Министерството за внатрешни работи на Србија соопшти : “Барич е успешно евакуиран, а базните постројки се под контрола. Место за паника нема“ - соопшти српското Министерство за внатрешни работи. 20 часот и 02 минути РСТ:  Училиштата , музеите, храмови претворени во места за собирање на хуманитарна помош.  Се мобилизираше и интелектуалната и уметничката елита на Белград. Во музеите се собира помош. Преку социјалните мрежи учениците од Белград организираа хуманитарна акција за храна, вода и средства за хигиена. “Собравме многу облека, конзервирана храна, вода, ни се поребни ни с есредства за хигиена и пластични чаши, чинии и прибор за јадење“ – изјави една ученичка од Белград. И на север и на југ солидарност и помош стасува и од Нишлиите и од Врањанците. “Донесов пакет со облека за деца и еден куфер со облека за возрасни“ – изјави една жена, жител на Ниш. “Еве, носам летен јорган, бидејќи апелираа да се донесе тоа. Малку конзервирана храна и средства за лична хигиена“ – изјави низ солзи друга нишлијка“. Сега нов апел до граѓаните, на местата каде што се собира помош да се донираат свеќи, лампи. Осветлувањето е непходно за да се продложи со акциите за одбрана од поплавите. Србија допрва ќе ги проценува материјалните штети. А.Д.