Кина гради „Голем песочен ѕид“

Добивај вести на Viber

Кинеските обиди за заземањето на земјиште создаваат „Голем песочен ѕид“ во Јужното Кинеско Море, што покренува „сериозни прашања“ за намерите на Пекинг, изјави висок функционер на САД, цитиран од „BBC“.

Командантот на американската Пацифичка флота адмирал Хари Харис го даде овој коментар за време на говорот во Австралија во вторникот вечерта.

Кина има територијални претензии со своите соседи во Јужното Кинеско Море. Минатата година Кина го оправда заземањето на земјиште во спорните води и го опиша како целосно оправдано, бидејќи има суверенитет над регионот.

Во последниве месеци се појавија фотографии на кинеска изградба на гребени до архипелагот Спратли. Целта е да се создадат вештачки острови кои би можеле да имаат воена употреба, вклучувајќи го создавањето на писти за слетување на авиони.

Неколку земји, меѓу кои Виетнам, Филипините и на Тајван, исто така бараат сопственост на територии во архипелагот.

Спорните територијални води околу архипелагот Спратли.

„Кина гради вештачки површини со пумпање на песок врз живите корални гребени - некои од нив се потопени - и асфалтирани со бетон.  Кина создава „Голем песочен ѕид“ со копачи и булдожери во текот на месецот“, додаде тој.

Тој рече дека имајќи предвид кинескиот„модел на провокативни активности насочени кон помали држави претенденти“ во Јужното Кинеско Море, опсегот на изградбата покренува „сериозни прашања за кинеските намери“.

Спорот за територии во Јужното Кинеско Море ескалира во последните години, зголемувајки ги тензиите во регионот. Филипините поднеле жалба до Постојаниот арбитражен суд на ОН. Кина сепак вели дека нема да се ангажира со случајот.

Во Виетнам се дојде до антикинеско насилство минатата година, откако Кина ги пресели машините во спорните води на Параселски Острови.