Добивај вести на Viber
Кинеската година на змијата е неповолна за финансиско работење, тврдат аналитичарите на американската банка Ј.П. Морган, врз основа на анализите на настаните на Вол Стрит во последните 140 години.
Во недела на 10 февруари, Кина ќе го прослави доаѓањето на новата година, во хороскопскиот знак на змијата.
Финансиските аналитичари на ЈП Морган, се плашат од настапувањето на знакот на змијата во кинеската нова година. Истражувајќи го американскиот пазар на акции, почнувајќи од 1871 година, до денес, тие дошле до заклучок дека најлошите финансиски резултати се остварени токму во годините под знакот на змијата (со просечен пад од 6%), за разлика од знакот на змајот, кој носи просечен годишен пораст на вредноста на акциите од 9%.
Аналитичарите на банката сметаат дека 2013 ќе биде година која ќе ги погоди инвеститорите кои се поткрепуваат на строги, рационални методи, а помалку на менаџерите кои ги водат институциите. Во години на змијата, покрај трагичните историски случувања (1941, 1965, 2001) се случил и прочуениот крах на Волстрит во 1929 година, потсетуваат аналитичарите.
Во кинеската традиција, змијата е симбол на мудроста, културата, креативноста и самонабљудувањето.
“Тоа значи дека сите видови на екстремни појави, вклучувајќи го и насилството, што одеше во знакот на змејот во 2012 година, треба да бидат минато“, пишува францускиот весник Фигаро.