Кинези и Израелци навалија на Загреб

Добивај вести на Viber

Во првите десет месеци од 2012 година, Загреб го посетиле 675.707 туристи, што е зголемување за 5,7 отсто во однос на истиот период пред една година.Во истиот период биле направени  1.087.974 ноќевања, што е пораст од 6,1 отсто, покажуваат податоците на Одделението за старатегиски развој и планирање на градот. Зголемувањето на туристичкиот сообраќај во хрватскиот главен град го поттикнаа гостите од странство, додека кај домашните туристи се бележи негативна стапка. Така Загреб во периодот од јануари до октомври минатата година, имал 531.399 посетители од странство, што претставува зголемување од 7,7 отсто во споредба со истиот период минатата година. Странските туристи платиле  857.648 ноќевања, што претставува зголемување од 9,4 отсто. Меѓу гостите од странство, најбројни биле Германците или 47.865 , што е 11,7 отсто повеќе отколку во десетте месеци од 2011 година. Следат Американците односно Загреб го посетиле 30.861 државјани на САД, повеќе за 9,5 отсто, потпа 28.274 туристи дошле од Австрија, а од Италија 27.650 туристи. Зголемен број на посетители се бележат и од Јапонија, за 6,6 отсто или вкупно 20.686. Пад во посетите има кај Шпанците и Французите. Загреб исто така во првите десет месеци од минатата година го посетиле 14.754 туристи од Кина, што претставува зголемување од 45,4 отсто, од Израел дошле 12.305 туристи или повеќе за 47,8 отсто, од Република Кореја 11.292, што претставува зголемување од 37,8 отсто. Повеќето туристи или вкупно 537.500 престојувале во загребските хотели, каде се реализирани  864 900 ноќевања.