Кинезите задоволни, каналот Дунав-Морава-Вардар се поблиску до Македонија?

Добивај вести на Viber

Претставници на кинеските компании кои почнаа со собирање на податоци за изработка на студија за оправданоста на изградбата на Каналот Морава, велат дека е добра пловноста од Смедерево до Љубичевски мост кој се наоѓа во близина на Пожаревац. Претставник на кинескиот работен тим Хуанг Лин е задоволен од прва посета и од она што го видел во првиот дел од изградбата на Каналот Моравана, кој моментално е со должина од 30 километри и вели дека проектот е многу важен за регионот и за целата територија на Србија. Државниот секретар на Министерството за природни ресурси, рударство и просторно планирање на Србија, Срѓан Белиј изјавил дека кинеските експерти за време пловидбата ќе можат да го утврдат хидролошкиот режим на реката, нивото на водата, пловноста, а потоа да ги снимат надолжните и страничните профили на реката , да се идентификуваат точките кои можат да бидат ограничувачки фактори за пловидбата и да научат за физичко-географските карактеристики на реката. Кинеските претставници наредниот период ќе пловат и ќе собираат податоци по течението на Западна и Јужна Морава. Специјалниот советник на министерот за природни ресурси, рударство и просторно планирање Милан Пунишч, посочи дека каналот од Дунав во близина на Смедерево, Велика Морава и Вардар до Солун ќе биде многу важен за српската економија, бидејќи Србија има нова река коридор на која би се изградиле хидроцентрали и ќе се обезбеди наводнување на земјоделско земјиште во таа област, односно по должината на каналот што тече паралелно со Коридорот 10. Тој исто така рече дека на тој пат има културно и историско наследство и дека изградбата на каналот ќе придонесе за развој на туризмот во Србија.