Кирацовски ќе се бори со сите притисоци врз административците

Добивај вести на Viber

Александар Кирацовски, заменик-министерот за администрација денес од Охрид посочи дека ќе се потруди да се преземат сите законски мерки за да се спречи партискиот притисок врз вработените во јавната и државната администрација во овој предизборен период, како и да се осигура слободно изразување на политичката волја без страв од последици.

- Карактерот на политичкото влијание во институциите опфаќа закани и предупредувања за губење на работното место, казнување или распоредување на друго работно место, на друга локација, дисциплински мерки, намалување на плата, како и оценувањето на административните службеници.

Денес на градоначалникот на Општина Охрид, господинот Бакрачески му го предочив и проблемот со општинарите кои како казнена експедиција се префрлени во седиштето на старата Општина Косел, работат во несоодветни услови и без зададени обврски и работни задачи, што е спротивно на закон.

Безобразието на власта оди до таму што одредени директори и наставници од средните училишта, организирано влијаат врз учениците малолетници, активирајќи ги во партиско-политички цели завреме на настава, посочи Кирацовски