ЌЕ ГО СОВЕТУВААТ ЗАЕВ: Јово Вангеловски и Катица Јанева седнуваат на иста маса?
Објавено во: Македонија 29 Јануари, 2018
Претседателот на Врховен, Јово Вангеловски и специјалната обвинителка Катица Јанева ќе го советуваат премиерот, Зоран Заев како дел од тимот задолжен за спроведување на стратегијата за реформи во правосудството.
Како што денеска изјави Заев, во правниот совет треба да има практичари.
„Кога се работи за реализација или имплементација, според мене, а така и правните советници ми кажуваат, дека треба да бидат практичари луѓе, значи веројатно во таквиот совет ќе влезе претседателот на Врховниот суд, претседателот на Скопје 1, веројатно ќе влезе јавниот обвинител, веројатно ќе влеезе специјалниот јавен обвинител, една од апелационите единици, веројатно ќе има претставник од здружението на судии или претседателот на Здружение на судии, претставник или претседателот на Адвокатска комора, луѓе практичари кои треба да влезат, потпомогнати од граѓански активисти и експерти или од експерти од професорската фела“ – вели премиерот Заев.
Во врска со тоа што меѓу советниците на премиерот ќе бидат и претседателите на Врховниот и Кривичниот суд, Јово Вангеловски и Зоран Караџовски, Заев вели дека се зависи од нивните мандати.
Заев рече дека сѐ е менливо и дека не се водат од името и презимето на личностите.