Ќе ја преоформи ли кризата во Украина светската монетарна политика?

Добивај вести на Viber

Централните банкари се принудени повторно ги да отворат своите атласи.Откако во последните години светската монетарна политика беше преоформена поради долговите на Јужна Европа и поради земјотрес во Јапонија, сега фокусот паѓа на Украина, чиј удел во светскиот бруто домашен производ е само 0,4%. Повеќето економисти велат дека во овој момент само набљудуваат ќор-сокакот во Крим, а не реагираат, бидејќи ги одржуваат непроменливи своите прогнози за економскиот раст и за курсот на монетарната политика. Тоа може да се промени, ако цените на суровините или финансиските пазари почнат да тонат. Русија веќе ги зголеми каматните стапки, а Полска го  преиспитува својот скептицизам кон еврото, пишува Bloomberg. "Треба да ја следиме оваа ситуација со особено внимание и да сме свесни дека не е само донесувањето одлуки во врска со монетарната политика, исто така постои и поширок проблем, кој може да има влијание врз економијата", изјави оваа недела, претседателот на Европската централна банка Марио Драги. Централните банкари повторно се во потрага, покренале нови стравувања за состојбата на меѓународната економска активност. "Внимателно ги следам настаните и особено - дали нема да влијаат на растот", рече претседателот на поделба на Федералните резерви на САД во Њујорк Џефри Лакр. "Досега пазарите на суровини изгледа ги прифакаат вестите релативно добро." Претседателот на поделба на ФЕД во Сан Франциско Џон Вилијамс смета дека засега кризата во Украина не претставува закана за американската економија. Иако 180-милијардната украинска економија е премногу мала, за да докаже директно влијание врз глобалниот раст, но потенцијалните насоки кои можат да предизвикаат зараза и кои политичарите треба да ги контролираат ја вклучуваат трговијата, банкарството, девизните курсеви и испораките на природен гас за Европската унија. Очекувањата на Меѓународниот совет се дека оваа година Украина ќе да биде трет по големина извозник на пченка во светот и шестиот на пченица. Најмногу изложена на ризик економија од регионот Централна и Источна Европа е Полска, која продава 9% од извозот на Украина и Русија. Следат Турција и Унгарија со 6 проценти секако и Романија со 5%, покажуваат податоците на Royal Bank Scotland Group Plc. Што се однесува до банките - Украина и Русија сочинуваат 6% од надворешни побарувања на Австрија, 4% на Италија и 2% на Франција. JPMorgan Chase & Co. проценува дека изложеноста на европските банки во Русија изнесува 56 милијарди евра, а во Украина - на 15 милијарди евра. Австриската Raiffeisen Bank International AG и француската Societe Generale SA ги поседуваат најголемите експозиции. Сепак едно паѓање на енергетските пазари може да претставува поголема закана, сметаат од американската инвестициска банка.Покрај тоа што е најголем снабдувач на нафта и јаглен за ЕУ, Русија обезбедува околу 30 отсто од природниот гас во Европа и поседува пет од 12-те гасоводи кои пренесуваат гас преку Украина. Цената на нафтата може да скокне до 10 проценти, ако бидат наметнати санкции или снабдувањата бидат прекинати, што ќе го поткопа економското закрепнување на Европа, смета Џонатан Лионес, главен економист во Capital Economics. Централните банкари во Јапонија пак не гледаат причина зошто да ја менуваат прогнозата за состојбата на економијата, иако ќе ја преиспитаат, ако напонот порасне и почне да врши влијание врз трговијата, тврдат лица запознаени со дискусиите кои се водат во Јапонската централна банка . Централната банка на Русија веќе реагира на кризата, ги зголеми каматните стапки за прв пат од  1998 година поради драстичната девалвација на рубљата. Полската централна банка пак ја  остави основната каматна стапка без промена - на 2,5%. Гувернерот Марек Белка изјави дека поради турбуленциите во Украина стапките треба да останат непроменети најмалку до крајот на третиот квартал. Сигналите дека случувањата може да ја  преоформираат економијата на Европа, може да ја натера Полска да го преиспита својот скептицизам кон прифаќање на еврото. Во 2012 година земјата се откажа од намерата да ја  прифати оваа валута. К.К.