ЌЕ ПАДНАТ ГОЛЕМИ КОЛИЧИНИ ДОЖД, МОЖНИ СЕ ПОПЛАВИ - синоптичарите од регионот предупредуваат, бидете внимателни
Објавено во: Балкан 07 Септември, 2024
Наглата промена на времето која ја најавуваат дел од синоптичарите во регионот може да доведе и до поплави.
Поради опасност од големи количини дожд кои може да наврнат со промената на времето која ќе настане следната недела, метеопрогнозерите повикуваат на внимателност.
- ВНИМАНИЕ!!
Доколку се остварат овие акумулации на врнежи, кои се очекуваат за краток временски период во наредната недела, речиси сигурно се очекуваат поплави во алпските земји, северна Италија, северозападна и западна Босна и Херцеговина, како и во Хрватска и северниот и централниот дел на Јадранот.
Реката Сава може драстично да порасне!!
Реално се очекуваат и проблеми со водостојот на реките како што се Купа, Корана, Уна, Сана и Врбас.
Сепак, многу поголеми проблеми би можеле да предизвикаат помалите реки и потоци, особено во областите на стрмни планински падини кои би можеле да се претворат во опасни порои.
Веројатно наскоро ќе биде издадено предупредување за екстремни временски услови, кое може да ги зафати југоисточниот и југот на Европа во наредната недела!! - пишува во објава на социјалните мрежи каде се потпишува проф. Зоран.
Еве ја објавата.
Фото: Инстаграм/Архива