ЌЕ ПАДНЕ ЛИ ГРЧКАТА ВЛАДА ПОРАДИ ДОГОВОРОТ СО СКОПЈЕ: Кој ќе го руши Ципрас?
Објавено во: Балкан 13 Јуни, 2018 08:29
Актуелниот министер за одбрана на Грција Панос Каменос, утре, како што пренесуваат дел од медиумите од регионот , ќе ја напушти коалицијата со партијата на премиерот Алексис Ципрас поради незадоволството постигнато со договорот со Скопје, и така ќе ја урне грчката влада.
Каменос е основач на десно ориентираната Партија на независни Грци која уште на старт се спротиви на било каква одлука со зборот Македонија во решение за спорот околу името.
Дел од медиумите во регионот брифираат дека, тој своето противење на договорот Северна Македонија да биде дел од името ќе го истакне со излегување од коалицијата и уривање на владата со што ќе ја забави ратификацијата на постигантиот договор меѓу Скопје и Атина.
Потсетуваме, дека премиерот на Грција и Македонија постигнаа историски договор Република Северна Македонија да биде новото име, а официјализација на договорот најавија за претстојниот викенд, најверојатно во Преспа.
FOTO: EPA / OLIVER HOSLET
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
