Ќе се градат помалку станови и згради, а повеќе автопати и железница!

Добивај вести на Viber

Се намалува бројот на издадените одобренија за градба. Според последните податоци на Државниот завод за статистика, во ноември 2013 година издадени се 21,6% помалку одобренија за градење во однос на истиот месец од претходната година. Издадени се вкупно 182 одобренија за градење во тој месец, од нив 160 се наменети за објекти од високоградба, 6 одобренија за градба за објекти од нискоградба и 16 за реконструкција. Анализата на податоците покажува дека бројот на издадени одобренија за градба кај објектиоте од високоградба е намален за 9,6% во неомври 2013 година во однос на истиот месец од претходната година. Додека кај бројот на издадени одобренија за објекти од нискоградба е намален за 66,7% во истиот период. Намалување има и во однос на проценетата вредност на објектите што ќе се градат. Или според Државниот завод за статистика, предвидената вредност на објектите  треба да изенсува 31,8 милиони евра што е намалување за  31.2% во однос на истиот месец од претходната година.

„Најмногу одобренија за градба во ноемрви 2013 година биле издадени во Теарце – 17, потоа во Кочани – 16, Гостивар -12 , Илинден -10, Тетово -8, Петровец -7, Куманово-7,Прилеп-7,  Штип-6, Кисела Вода -5.“

Јанакиески: ќе имаме големи проекти во ниско градба Од владата пак сметаат дека намалувањето на бројот на издадени одобренија за градба, нема да придонесе за пад на градежништвото што беше клучната гранка за раст на БДП, со оглед дека има најавени повеќе крупни инфраструктурни проекти.

„Оваа и следната година, очекувам да се намали изградбата во високата градба, но ќе имаме големи проекти во нискоградбата. Тоа веќе го најавивме. Покрај изградбата на автопатиштата и железницата, морам да кажам дека владата одобри и Закон за изградба на кракот од Клечовце до Блок Станицата 5 односно делот после  Штип,така што очекувам годинава да почне и изградбата на гасификацијата, вели министерот за транспорт и врски Миле Јанакиески за Фактор.

Дека оваа година се очекува намалување на градежните активности во високоградба неодамна за Фактор посочија и од скопска Цемантарница, од каде велат дека сепак се очекува најавените проекти во инфраструктура од страна на владата да го движат градежниот сектор.

„За оваа 2014 година прогнозите за нашата компанија повторно ни се помалку песимистички. Тоа произлегува оттаму што ние ги следиме трендовите и случувањата. Како податок врз кој го темелиме овој наш став ќе го наведам фактот дека бројот на издадени градежни дозволи во изминатиот период драстично се намалува. Тоа значи дека и очекувањата за изградба на станбени и деловни обејкти се многу помали. А бидејќи ние сме директно поврзани со тој сектор, практично тоа ни кажува дека и нашето произвдотсво ќе бидат помало. Сепак со внимание ги следиме трендовите и најавите за големи проекти од страна на владата, кои пак најверојатно ќе придонесат да се намали падот кој веќе го забележуваме во последните месеци од 2013 година и дека тие големи проекти  ќе придонесат да се намали тој губиток, изјави Борче Христафов од Цементарница Усје.

Опозицијата пак веќе посочи дека од Буџетот за годинава се гледа дека владата повторно се потпира на градежништвото кое треба да биде главниот носител на растот. Но смеаат дека иако сега има мало освестување кај владата и после седум години фрлање пари за споменици, сега се најавува изградба на автопатишта, проблемот е што тоа се прави повторно по истиот модел односно со кредити. С.Н.