Ќе се гради автопат Скопје – Блаце

Добивај вести на Viber

Министерството за транспорт и врски потпиша договор со меѓународната финансиска институција ИФЦ, која треба да ја изготви документацијата за објавување на тендер за давање под концесија на автопатот Скопје-Блаце. Според информациите на Фактор, договорот е потпишан во текот на вчерашниот ден со ресорното министерство за тарнспорт и врски и . Тендерот за избор на концесионер се очекува да биде објавен по завршувањето на претседателските избори. До преминот Блаце треба да се изградат 13 киометри пат, а концесијата најверојатно ќе се понуди на 35 години. „Со изградбата на оваа делница автопатски ќе се поврзе Скопје со границата со Република Косово. Трасата почнува од Обиколницата на Скопје и се движи кон границата со Косово кај Блаце. Патниот правец е со вкупна должина од 13 километри и претставува дел од главната рута од Скопје до Приштина. Вкупната ширина на патот е предвидено да биде 27,4 м и тоа две коловозни ленти со по две сообраќајни ленти во еден правец по 3,75 м и по една застанувачка лента со ширина од 2,5 м, како и разделна лента помеѓу двата коловоза. Вкупната вредност на проектот е 69 милиони евра. Изградбата на овој патен правец е дел од проектот за давање на патиштата под концесија. Доколку постапката за концесија во која е опфатена и оваа делница не биде успешна т.е. не се добијат добри финансиски понуди, за изградба на делниците ќе се бараат други алтернативни начини на финансирање, пишува во програмата на ВМРО-дпмне , а како рок на изградба на проектот е наведен периодот од 2013 до 2018 година. Од другата страна пак, Косово пред извесно време ја избра фирмата што  ќе ја гради делницата од која од таа страна е во должина од 55 километри. На косовскла страна ќе работи американско турскиот конзорциум „Бехтел-Енка“. Делницата треба да биде готова за 42 месеци од потпишување на договорот.