ЌЕ СЕ ПЛАТИ ПО 45 ДЕНАРИ ЗА КИЛОГРАМ ВАКЦИНИ СО ПОМИНАТ РОК: Дрисла со ценовник
Објавено во: Македонија 13 Декември, 2021
Министерството за здравство треба да плати по 45 денари плус ДДВ за да уништи еден килограм вакцини доколку одлучи да ги уништува на Дрисла.
Според досегашните податоци, уште не е побарно тоа, но можно е наскоро да се случи со оглед на тоа што треба да се уништуваат вакцини со поминат рок.
Директорот на Дрисла Јане Мицевски за Сител вели дека досега не уништиле ниту една вакцина, ниту пак некој го побарал тоа, а од Министерството за здравство велат дека кога ќе поминат сите процедури вакцините ќе бидат уништени.
Дел од вакцините кои се со поминат рок се од Фајзер и Астра Зенека и повеќето беа донации.