Ќе се претвори ли Венецуела во првата пропадната држава производител на нафта?
Објавено во: Економија, Анализа 29 Јули, 2017 17:48
Венецуела може да се претвори во првата неуспешна земја производител на нафта, коментира Хелима Крофт, глобален шеф на стокова стратегија во RBC Capital Markets, во своја анализа, цитиран од CNBC.
Венецуела е државата со најголеми резерви на нафта во светот. Ако сепак претседателот Николас Мадуро формира нов законодавен орган - Национално основачкото собрание, земјата "целосно ќе пропадне како држава".
Мадуро нуди новото тело да замени други законодавни органи, вклучувајќи го парламентот, кој во моментов е предводен од опозицијата на Мадуро. Националното основачко собрание пак првенствено се состои од негови приврзаници.
Сите кои се противат на гласањето на новата институција, излегоа на улиците на земјата на протести. САД и други земји се закануваат да и наметнат санкции на Венецуела, насочени кон нафтениот сектор и државната пертолна компанија Petróleos de Venezuela, S.A. (PDVSA).
"Администрацијата на Трамп го предупредила Мадуро поради гласови и сериозно размислува да ги насочи мерките против нејзиниот нафтен сектор, па дури и да го забрани венецуелскиот увоз во САД или пак на државната нафтена компанија да користи долари за трансакциите", вели Крофт.
"Секоја ваква мерка би имала исклучителни економски последици", вели таа.
Хелима Крофт додава дека девизните резерви на Венецуела неодамна паднаа под 10 милијарди долари, па ваквата мерка ќе има енормен притисок врз PDVSA ако компанијата сака да го избегне неуспехот на обврските.
Економијата на Венецуела се потпира речиси исклучиво на милоста на нафтената индустрија. Секторот придонесува за 95% од извозот. Недостатокот на инвестиции сепак силно го стеснува профитот.
Падот на цената на нафтата од 2014 година, исто така, сериозно ја отежна земјата. Меѓународниот монетарен фонд очекува дека инфлацијата ќе се зголеми за 720% оваа година.
"Ако Мадуро не ја смени одлуката во 12 без 5, Венецуела изгледа ќе стане првата земја производител на нафта, која банкротирала", заклучува Крофт.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
