ЌЕ ШТРАЈКУВААТ НА ЦРН ПЕТОК: Работниците на Амазон во Велика Британија бараат подобри услови за работа

Добивај вести на Viber

Повеќе од 1.000 работници во магацинот за дистрибуција на Amazon во британскиот град Ковентри одлучија да штрајкуваат на „црниот петок“ за да го изразат својот протест поради платите и условите за работа. Се очекува на прекинот на работата да се приклучат и работници на Амазон од САД, Германија и Италија.

Синдикатите кои ги претставуваат работниците на Амазон објавија дека вработените во компанијата се „уморни од само врзување крај со крај“ и најавуваат дека штрајкот ќе предизвика најголемо нарушување на работењето на компанијата во последните 30 години, пишува Индепендент.

Британскиот синдикат GMB е разочаран што шефовите на Амазон одбија да разговараат за платите и условите за работа.

„Тоа е навистина едноставно прашање. Сакаме компанијата да седне и да почне да разговара со нас. Тоа е разумно барање, но газдите на Амазон одбија да разговараат“, рече портпаролот на синдикатот GMB.

Центарот на Амазон во Ковентри е еден од најпрометните во Обединетото Кралство, па штрајкот може да има значително влијание врз купувачите кои го користат црниот петок, последниот петок во ноември, за да ги направат своите поволни пазари.

Претставниците на Амазон тврдат дека штрајкот во Ковентри нема да влијае на продажбата на црниот петок, бидејќи центарот на Амазон не се справува директно со нарачките на клиентите.

Amazon workers have revealed plans to hold strikes & protests on Black Friday in over 30 countries including the UK.

Reminder: profits almost tripled at Amazon in the latest quarter with a revenue of 143 BILLION.
Workers are fed up!#SolidaritySeason
https://t.co/pbI17MAHmO

— DemCast (@DemCastUSA) October 27, 2023