Кочан не се пријави в затвор, судот ќе распише потерница
Објавено во: Македонија 31 Јули, 2019
Судот е подготвен да распише потерница по бизнисменот Сеад Кочан, откако сопственикот на „Трансмет“ денеска се уште не се пријавил во затворот Идризово за издржување на казната од четири години осум месеци за случајот „Труст“.
Кочан го примил налогот со кој се упатува на служење затворска казна, а исто така и директорот на затворот идризобо, Боби Мојсовски.. Неговото барање за одложување на казната е одбиено вчера, како неосновано, по што тој има овбрска веднаш да се јави на отслужување на казната
Во случај да не се појави во казнено-поправната институција, по него ќе биде распишана потерница, по што му следува приведување и носење во затворот.
Бизнисменот Сеад Кочан е осуден на затворска казна во времетраење од 4 години и 8 месеци по обвинението во случајот „Труст“, поради манипулации за добивање тендер со прикажување лажна документација.