Кога Морина ќе биде екстрадиран во Србија?
Објавено во: Македонија 26 Јули, 2019
Соседна Србија ќе бара брза екстрадиција на поранешниот припадник на ОВК, Томор Морина кој вчера доби 30 дневен притвор, а претходно беше уапсен на граничниот премин Блаце.
Од Кривичниот суд во Скопје велат дека мерката притвор му е одредена поради екстрадиција по распишана потерница на Интерпол Србија. Српското обвинителство го сомничи за воени злосторства против Србите во 1999 година. Негодување имаше од пратеници од албанските партии во Македонија, но премиерот Зоран Заев изјави дека Морина се бара по потерница од Интерпол.