Кога санкциите ќе удрат по стомакот…

Добивај вести на Viber

Само малку спакувано месо може да се види на полиците на руски супермаркет во градот Ногинск, на околу 50 километри источно од Москва. Полиците со леб, исто така изгледаат прилично пусто. Се почесто рускиот блогер Ева Мала затекнува таква ситуација во руските продавници по 7 август. Од тој ден Русија воведе забрана за западните земјоделски и прехранбени производи. Како што е познато, забраната за увоз ќе трае една година и важи за млечни и месни производи, овошје и зеленчук. Владимир Путин издаде декрет за санкциите против ЕУ, САД, Канада, Норвешка и Австралија. Овие земји веќе го спречија рускиот пристап до своите финансиски пазари, застанаа зад идниот извоз на оружје и наложија забрана за патување за неколку политичари поради однесувањето на Русија во конфликтот со Украина. Во меѓувреме, рускиот весник "Ведомости" објави дека Русија може да ги прошири своите санкции, и во иднина да го ограничи делумно или целосно и увозот на западни автомобили. Блогерот Ева Мала која има 29 години - чехиња со руско потекло,е заинтересирана од самиот почеток од медиумското покривање на забраната за увоз на храна. Таа доаѓа до заклучок дека ниту западните ниту руските медиуми не ја претстават ситуацијата правилно. Русија тврди дека забраната за увоз претставува можност за локалните фармери. Западот, пак, често не располага со новинари на место и на тој начин може само да прави претпоставки за ситуацијата во супермаркетите. "Се чувствувам одговорна да покажам на луѓето каква е вистината", вели Мала, која живее во Москва и предава странски јазици. Затоа на 8 август таа ја создава групата на Facebook "365 days of russian ban on food" (365 дена руска забрана за увоз на прехранбени стоки "). Таму чехкињата со руски корени документира како се храни со слики и краток текст. Па таа сака да покаже како може да се менуваат навиките поради забраната за увоз. Досега страницата е посетена и ја следат неколку стотици корисници на социјалната мрежа, пред се од Германија, Чешка и САД. Особено погодено од забраната за увоз е понудата на свежо месо, леб, сирење и некои овошја и зеленчук. "Но и без тоа секогаш беше тешко да се купат месо и леб со добар квалитет", вели Мала. Сега полиците во Ногинск се почесто остануваат празни. Во Москва сепак ситуацијата може да изгледа различно. "Но Русија не е само Москва" , вели Мала. Други производи Мала добива без тешкотии. "Ориз, тестенини, компири и слатки можат да се купат лесно", вели таа. Дури и за млеко, павлака и маслото не постојат пречки. Меѓу 90 и 95 проценти од пребарувањето на овие стоки се задоволува од домашните производители. Макроекономската ситуација сепак генерално е различна. Во 2013 година Русија купила земјоделски и прехранбени производи од ЕУ за 12 милијарди евра, вели аналитичарот Дмитриј Полевој. Затоа забраната за увоз на прехранбени стоки се забележува. Кога сега Мала влегува во супермаркетите, таа треба да биде прилично креативна. "Никогаш не се знае што точно ќе можам да купам денес". Ако не може да купи одреден производ, таа се обидува да го замени, колку што е можно. "При тоа моите барања не се премногу високи", вели таа. Минатата недела си готвела шпагети Болонезе, но бидејќи немало италијанско сирење пармезан, таа користела руско сирење. "Но вкусот му беше како на пластика". И покрај ограничувањата Русите се уште може да јадат добро. Типичните руски производи може да се купат насекаде. Ова вклучува компири, руски кнедли, кнедли, зелка, тестенини и леќата. "Но, кој ќе сака да јаде тоа секој ден", прашува Мала. Не само таа што ја следи со внимание темата. Во Русија тоа стана многу дискутирано прашање. Повеќето Руси се согласуваат дека Путин со право ги наметнал контрасанкциите. Според истражувањето на јавното мислење на независниот институт "Левада" околу 72 отсто од Русите ги поздравија санкциите против Западот. "Често сум слушнала да велат дека би јаделе повеќе руска трева отколку западни производи", вели Мала. Во иднина Русија планира да го компензира евентуалниот недостиг од Јужна Америка, Турција и Нов Зеланд. На пример наскоро во продавниците ќе почне да се продава говедско месо од Бразил. Засега од него нема ни трага. А некои од економистите стравуваат од раст на цените. K.K.