КОГА СРЕЌАТА ЌЕ ТИ ТРОПНЕ НА „ВРАТА“: Бездомник доби 37.000 евра на лотарија

Добивај вести на Viber

Бездомник од Италија, минатиот месец на лотарија освоил 37.000 евра, но среќата не можела да дојде благословено, па се појавиле проблеми при обидот да си ја земе наградата бидејќи имал застарени документи. 

По бројни перипетии, на крајот властите дошле на помош и му овозможиле да ги добие парите, објавија италијанските медиуми.

Џанлуиџи, попознат по прекарот Касано, на почетокот не можел да го уплати билетот бидејќи немал здравствена книшка, а даночниот број му бил истечен.

Како што пишува италијанскиот весник „Кориере Адријатико“, по еден месец бирократски компликации, официјалните лица минатиот петок рекоа дека може да ги повлечат парите.

„За да ги соберете добивките ви треба здравствен сертификат, но јас немам. Имам само стар даночен број кој е неважечки“, рече Џанлуиџи, додавајќи дека сам ќе располага со освоените пари и дека сепак сака да остане „невидлив“.

На 24 октомври Касано доби премија на лотото 4+1 со уплата на 1,50 евра за тикетот.

Џанлуиџи е по потекло од Апулија. Оние кои го познаваат во неговиот роден град Сенигалија, познато летувалиште, му го дадоа прекарот Касано по поранешниот напаѓач на Рома и Италија, Антонио Касано, кој е роден во градот Бари.

Приказната за среќата се најде на насловните страници на италијанските весници и портали, токму поради фактот што наградата ја доби бездомник.