Кои се најголемите инвеститори во Македонија кои добија поврат од 13 милиони евра од Владата?
Објавено во: Економија 05 Јануари, 2022
Владата во последните денови од изминатата година ги исплати договорените проценти како поврат за инвестирањата што ги вложија домашните и странските претпријатија и покрај ковид-кризата.
Со овие вложувања компаниите низ минатата година имаа стекнато право за поврат до 20 отсто од инвестицијата во рамки на Програмата за поддршка на инвестициите и технолошкиот развој од Планот за економски раст на Владата.
За поддршка на нов инвестициски проект со инвеститорите се потпишува петгодишен договор за државна помош откако ќе покажат план за економски раст според Законот за финансиска поддршка. Тоа се компании кои инвестираат надвор од Технолошко индустриските зони во нови фабрики, погони, опрема итн.
Број еден како најголем инвеститор во 2020 бил фармацевтскиот гигант Алкалоид при што на крајот од 2021 му е исплатен поврат на средства од 153 милиони денари, или заокружено на 2,5 милиони евра.
На компанијата за производство, градежништво, транспорт и услуги Интекар Глобал Корпоратион од Гостивар и се вратени 74.871.322 денари.
Фабриката за цевки Конти Хидропласт од Гевгелија добила нешто повеќе од еден милион евра.
Ангромаркетинг Механизација, битолската фирма позната по подружницата Жито Битола, има исплата од 420.000 евра.
Конзорциумот на домашни и странски инвеститори Интернационал Фреш Фуд, позната по производството на пилешко месо, има повратни 320.000 евра за својата инвестиција.
Хај-Теч Корпорација, производителот на печатени електронски плочки од Зелениково, е следен со околу 300.000 евра.
Нешто помалку од 300.000 евра добиле Андрос Фарм, позната компанија по брендот Авакс, како и Комфи Ангел, производителот на постелнина од Прилеп.
Пари добиле и компании како Макпрогрес, Реплек, Макситил, Витаминка, Грин Машинс итн, но сумите се многу помали.
Претходно вицепремиерот за економски прашања Фатмир Битиќи рече дека оваа година пристигнале барања за исплати од 225 компании, пришто е исплатена поддршка од 800 милиони денари или околу 13 милиони евра.
Овие компании, во 2020 имаат реализирано инвестиции од над 70 милиони евра.
Можеби ќе ве интересира
ИЗБРАНИ СЕ НАЈДОБРИТЕ ГЕРМАНСКИ РАБОТОДАВЦИ: На прво место е компанијата која е присутна и во Македонија
ГОРИВАТА ПОСКАПУВААТ - бензините ќе се продаваат за денар и пол повеќе од претходно, еве колку ќе поскапи дизелот
Со пари од унгарскиот заем исплатена Еврообврзницата во износ од 500 милиони евра издадена во 2018 година
ДЕЛОВИ ОД СКОПЈЕ „СМРЗНАА“: Загуби на вода ги оставија скопјани без парно
КАУФЛАНД СЕ ШИРИ, ОТВОРА НОВИ ПРОДАВНИЦИ: Новини на неколку атрактивни локации
ИМАА 100 ПРОЦЕНТИ ПОПУСТ ЗА ВОЗ, НО ЕЛИТАТА ОД ЕУ МАСОВНО ПРИСТИГНУВА СО ПРИВАТНИ АВИОНИ: А, во Давос ќе разговараат и за климатските промени
СЕГА И ОФИЦИЈАЛНО МОЖЕ ДА ЈА КУПИТЕ МЕЛАНИЈА: По стапките на сопругот, и американската прва дама лансираше криптовалута
„ЗЕЛЕНА ТРАНЗИЦИЈА“ СО УШТЕ ПОГОЛЕМА ЗАВИСНОСT? Во 2025 влеговме со зголемен увоз на електрична енергија
Се крчка „чорба“ во Македонијатурист! Ќе го вратат ли новите акционери прочуениот деликатес во легендарниот хотел „Бристол“?
