19 Септември, 2020
0.0438

Кои се велешаните кои прават најмногу пари?

Објавено во: Економија 04 Август, 2020

Велес повеќе не е град во кој доминира металната индустрија и воопшто индустријата како што било пред и во периодот на транзицијата. Велес и понатаму има силна компанија од областа на металната индустрија, но во локалната економија најсилно влијание има голем национален ланец супермаркети со седиште во Велес и три компании специјализирани за одгледување свињи кои лани заедно оствариле приход поголем од 28 милиони евра! Воедно најуспешната велешка компанија според учеството на профит во вкупниот приход е специјализирана за одгледување свињи! Нејзиниот профит е 39 отсто од приходот.

Велешката економија лани имала 14 компании кои направиле профити поголеми од 200.000 евра. Три од нив имаат профит што е еднаков или поголем од еден милион евра. Од сите 14 друштва само две се странски компании, а дури 12 друштва се домашни и во нив сопственици се велешани. Меѓу најпрофитабилните лани биле еден голем ланец на супермаркети, две компании од металната индустрија, еден странски гигант – супортер на глобалната авто индустрија и верувале или не:дури три локални компании кои се занимаваат со одгледување на свињи и заработуваат солидно од дејноста.

Очекувано Жито ДООЕЛ е најуспешната велешка компанија лани. Ланецот супермаркети кој е распространет низ повеќе градови во земјава лани остварил приход од 55,12 милиони евра што е за 8 отсто подобар резултат од претходната година. Компанијата на Јованче Ѓошевски лани остварила профит од 1,9 милиони евра што е за 2 отсто подобро од 2018 година.

Втора најпрофитабилна компанија лани е металната индустрија Брако во која ко-сопственик е Кочо Анѓушев, најпознатиот бизнисмен – велешанец. Оваа „реинкарнирана“ велешка индустрија лани остварила приход од 23,5 милиони евра што е за 13 отсто послабо од претходната година. Добивката лани е иста како и во 2018 година и изнесува 1 милион евра. Брако е во косопственост на две компании: ФероИнвест и Тргофер.

Маркарт странската инвестиција која произвеедува електронска и електрична опрема за автомобилска индустрија остварила приход од 82 милиони евра што е за 11 отсто подобар резултат од претходната година. Наспроти приходот, профитот паднал за 83 отсто и изнесува 1 милион евра.

Како работат најголемите одгледувачи на свињи?

Агриа Груп е најголемата домашна компанија за одгледување свињи. Лани оваа компанија остварила приход од 14,2 милиони евра и профит од 864.000 евра што е за 3 пати подобар резултат од 2018 година. Другата компанија на Перо Колевски е Овчеполка. Ова друштво за одгледување свињи лани оствари приход од 7,8 милиони евра што е за 8 отсто подобар резултат од 2018 година. Друштвото на Колевски лани остварило добивка од 863.000 евра што е за 2,7 пати подобар резултат од претходната година.

Третата и најмала компанија за одгледување свињи од Велес се вика Уни Агро.  Тоа е семејна фирма на Дарко и Ненад Стојанови. Ова друштво лани остварило приход од 6,5 милиони евра што е за 46 отсто подобро од претходната година. Профитот изнесува 2,55 милиони евра. Тоа е 3,7 пати поголема добивка од 2018 година и овој резултат ја прави оваа најуспешна велешка компанија според параметарот профит како дел од вкупниот приход.

Ронтис компанијата специјализирана за производи од пластични маси. Тоа е друштво поседувано од странство кое лани оствари приход од 10,9 милиони евра што е за 11 отсто повеќе од претходната година. Профитот лани паднал за 663.000 евра што е за 12 отсто послаб резултат од претходната година.

Хемомак Пестициди е компанија специјализирана за трговија на големо со хемиски производи. Лани ова друштво остварило приход од 7,5 милиони евра и добивка од 839.000 евра. Оваа успешна велешка компанија е сопственост на Горан Јовановиќ.

Еве ги останатите најуспешни велешки компании:


Р.Ф. 

Можеби ќе ве интересира

Одржана 36. сесија на Клубот на истражувачите

Одржана 36. сесија на Клубот на истражувачите

А1 Македонија: Зачуваниот мобилен интернет може да го размените за друга услуга

А1 Македонија: Зачуваниот мобилен интернет може да го размените за друга услуга

Јосифовски побара од Бесими да се укине царината за увоз на природен гас

Јосифовски побара од Бесими да се укине царината за увоз на природен гас

Мукаетов до Бесими: Да не плаќаме двојно данок за дополнителното здравствено осигурување на вработените

Мукаетов до Бесими: Да не плаќаме двојно данок за дополнителното здравствено осигурување на вработените

Десет милиони евра од државата како гаранции за кредити на фирмите

Десет милиони евра од државата како гаранции за кредити на фирмите

Лошите временски услови предизвикаa елементарна катастрофа кај голем дел од лозовите насади во тиквешкиот регион

Лошите временски услови предизвикаa елементарна катастрофа кај голем дел од лозовите насади во тиквешкиот регион

СТАРОНОВИ ИНВЕСТИЦИИ: Киел ќе гради нова фабрика во тетовската зона, ама не смее да го затвори објектот во Желино

СТАРОНОВИ ИНВЕСТИЦИИ: Киел ќе гради нова фабрика во тетовската зона, ама не смее да го затвори објектот во Желино

ЗБОГУМ ПОНИСКИ КАМАТИ НА КАРТИЧКИ И НА МИНУСИ - со вонредната состојба заврши и пониската затезна каматна стапка

ЗБОГУМ ПОНИСКИ КАМАТИ НА КАРТИЧКИ И НА МИНУСИ - со вонредната состојба заврши и пониската затезна каматна стапка

Министерството за економија започна да ги исплаќа ваучерите за домашен туризам, најголемата заработка засега е 50.000 евра

Министерството за економија започна да ги исплаќа ваучерите за домашен туризам, најголемата заработка засега е 50.000 евра