Кои земји градат најмногу нуклеарни реактори во 2015 година?
Објавено во: Свет 13 Август, 2015
Според податоците на најновиот извештај во однос на нуклеарната индустрија во светот, објавен на 1 јули оваа година, 62 е бројот (во 2015 година) на градилишта на нуклеарни реактори во светот, при што во моментов сме сведоци на највисокиот број од 1990 година.
Кога станува збор за конструкција на нуклеарни локации во глобални рамки, Иран отсекогаш била земја на која е вршена најголем надворешна контрола, барем што се однесува за последната една деценија. Но по изградбата на нуклеарни реактори во 2015 година никој не може да се натпреварува со Кина.
24 од реакторите во изградба во светот се токму во Народна Република Кина. Барем тоа се податоците до 1 јули 2015 година, кои покажуваат дека земјата со најголемо население во светот е лидерот во однос на развојот на нуклеарната енергија. Кина поседува и 27 реактори, кои веќе се во употреба.
Руската Федерација е на второ место по изградба на нуклеарни реактори, а во овој момент во Русија се градат три пати помалку такви отколку во Кина - вкупно осум (8) на број. Во Русија има вкупно 34 активни реактори.
Веднаш по Русија е рангирана Индија - втора по население земја во светот по Кина, каде се градат нови 6 нуклеарни реактори. Таму работат вкупно 20 реактори во моментов.
На четвртото место се рангираат Соединетите Американски Држави, каде во моментов се во конструкција пет (5) нови нуклеарни реактори. 99 реактори се во сила во САД во моментов.
Еве ги и останатите земји во рангирањето: 5 - Јужна Кореја - 4 реактори во изградба; 6 - Обединетите Арапски Емирати - 3 реактори во изградба; 7 - Белорусија - 2 реактора во изградба; 8 - Пакистан - 2 реактора во изградба; 9 - Словачка - 2 реактора во изградба; 10 - Украина - 1 реактор во изградба и 15 во работа; 11 - Аргентина - 1 реактор во изградба; 12 - Бразил - 1 реактор во изградба; 13 - Финска - 1 реактор во изградба; 14 - Франција - 1 реактор во изградба и 53 во акција.
Извор на податоците: 2015 World Nuclear Industry Status Report.