ОВА НЕ Е ТУРИЗАМ, ОВА Е ИНВАЗИЈА: Жителите на шпанскиот град Малага излегоа на протест
Објавено во: Свет 30 Јуни, 2024
Жителите на шпанскиот град Малага излегоа на протест против масовниот туризам.
Според нив туризмот е причина за високите наеми и недостигот на станови, пренесе ДПА.
Многу од демонстрантите носеа плакати со натписи: „Малага не се продава” и „Ова не е туризам, ова е инвазија”. Според организаторите, на вчерашниот митинг учествувале околу 25.000 лица, иако шпанскиот весник „Паис” објави дека демонстрантите биле околу 15.000.
Во Малага има повеќе од 12.000 законски регистрирани станови за одмор и по овој показател, градот се наоѓа на трето место во Шпанија по Мадрид и Барселона.
Газдите на многу приватни имоти во Малага и други градови примаат гости незаконски.
Демонстрации против масовниот прилив на туристи имаше и во Мајорка, Барселона и на Канарските Острови. Во Шпанија чести гости се туристите од Обединетото Кралство, Германија, Франција.
foto ЕPA