Кој е директорот? Ќе добие 72.900 евра награда од фирмата со која раководи!

Добивај вести на Viber

„Тетекс“ е прва компанија во македонската корпоративна историја која јавно со одлука на собрание на акционери одобри награда од 5% од нето добивката за нејзиниот генерален директор. Бобан Гоговски од неговото раководење со „Тетекс“ за 2023 година ќе добие менаџерски бонус (предвиден во неговиот договор за работа) во вредност од 72.900 евра

Бобан Гоговски, генерален директор и извршен член на Одборот на директори на „Тетекс“ доби 72.900 евра  награда (односно бонус) од компнаијата со која раководи. Ова е прв случај во македонската корпоративна историја некоја компанија чија акција котира на Македонска берза транспарентно да ја објави одлука за персонална награда односно бонус на својот генерален (прв или извршен н.з.) директор.

Во одлуката од акционерското собрание на „Тетекс“ одржано во петокот на 19 април акционерите одлучиле да го напрадат Гоговски за успешност, согласно со член 6 од неговиот договор со „Тетекс“ со 5 отсто од добивката (по одбивање на данокот и одбивање на износот одпределен за законски резерви). Линкот до одлуката е достапен на следниот линк https://www.seinet.com.mk/Default.aspx?lang=MK&docID=67489

Со оваа одлука „Тетекс“ ќе издвои 5 отсто од нето добивката намалена за износот за законски резерви и ќе му исплати 44,8 милиони денари (72.900 евра) на Бобан Гоговски. Нето добивката на „Тетекс“ за 2023 година изнесува 1,53 милиони евра. А од тие пари како дивиденда на сите свои акционери „Тетекс“ ќе исплати безмалку половина односно 729.600 евра.

Бобан Гоговски, освен директорскиот бонус, од „Тетекс“ ќе наплати пари и од дивиденда. И тоа ќе бидат 6,67 отсто од сите пари предвидени за дивиденда. Онолку колку што и поседува акции во таа компанија кои ги наследи од неговиот татко Глигорие Гоговски, поранешен, долгогодишен прв човек на македонскиот текстилен гигант „Тетекс“.

Бобан Гоговски од дивиденда на неговиот акции ќе наплати нешто над 43.000 евра нето износ. Заедно од менаџерскиот бонус и дивиденда Бобан Гоговски ќе приходува над 115.000 евра од „Тетекс“ за 2023 година. 

Р.Ф.