Кој е „џокерот“ во ракав на „Тетекс“? Профитот е пола од приходите

Добивај вести на Viber

„Тетекс“ се покажа како одличен инвеститор. Иако „кор бизнисот“ е речиси зграснат компанијата има одлични или пристојни приходи од своите вложувања и тоа му овозможува да дели дивиденди на свооите акционери. За првите три месеци друштвото има приход од 280.000 евра, а нето добивката пред се балгодарејќи на исплата на добивка од удели, изнесува 132.000 евра. А ќе биде уште подобро кога ќе дојде дивидендата од акциите во ТТК Банка , од каде „Тетекс“ ќе добие над 550.000 евра бруто дивиденда

„Тетекс“ е најуспешната компанија во конкуренција на сите друштва чии акции котираат на Македонската берза за хартии од вредност. Ова не е лажна вест. Фактите покажуваат дека според параметарот учество на профитот во добивката „Тетекс“ досега е неприкосновен во конкуренција на сите друштва што објавија финансиски резултати за првите три месеци годинава.

Што се случува?

„Тетекс“ не работи ништо од неговиот кор бизнис затоа што акционерите го поддржаа менаџментот во одлуката дека конјуктурата налага да се згасне најголем дел од производниот процес заради неконкурентноста со третите пазари. Така и направија.

Официјалните квартални податоци покажуваат дека приходите од продажба се само 35 отсто во споредба со приходите од истиот период лани. Во пари – 200.000 евра за периодот јануари – март годинава. Од тоа 179.000 евра на домашниот пазар. Залихите се на ниво од 4,2 милиони евра само 4 отсто помалку од лани. Останатите оперативни приходи 85.000 евра или 35 отсто повисоки од истиот период лани. Вкупните приходи на „Тетекс“ изнесуваат 280.000 евра и се за 58 отсто пониски од претходната година.

Оперативните расходи на друштвото изнесуваат 204.400 евра и се 70 отсто пониски од претходната година. И повторно најголема трошковна ставка се давачките за вработените. Изнесуваат 70.000 евра и се за 74 отсто пониски од истиот период лани. Оперативната добивка на друштвото е речиси 50.000 евра што е неспоредливо подобар резултат од претходната година кога биле во загуба од работењето во првиот квартал.

И сега клучниот момент: „Тетекс“ има одлични инвестиции меѓу кои најголема се акциите во ТТК Банка. Но сега, друг влог му носи добивка. Станува збор за удели во друштво во кое „Тетекс“ е сопственик. Од удел во добивката на придружено друштво има прилив од 82.500 евра. Заедно со оперативната добивка прави профит од 132.000 евра за првите три месеци годинава.

„Тетекс“ е една од омилените акции на инвеститорите кои се ориентирани кон и вложуваат во дивидендни акции. За последните три години (2018,2019 и 2020 година) друштвото исплати вкупно бруто дивиденда од 400 денари за акција.